【最壞身教】港媽去迪士尼遇無品遊客 力數最乞人憎行為︰一人排隊全家插隊

育兒經 13:51 2022/05/20

分享:

分享:

有港媽力數去迪士尼最乞人憎行為︰一人排隊全家插隊。

不少港爸媽都會趁假日帶小朋友去主題樂園玩,大人細路玩盡樂園的機動遊戲。近日就有媽媽在社交平台分享,在香港迪士尼樂園遇上無品遊客,最乞人憎的行為莫過於一人排隊,竟然全家插隊,引來家長共鳴及熱議。

該名媽媽在facebook群組「迪士尼 買賣 交換 分享」發帖文直指,「最憎嗰啲一人排隊,全家族嚟插隊嘅家庭,一插插六七個人。」帖文引起大批網民討論,不少家長都有同感,表示「每玩一個遊戲都見有咁嘅人」、「我都勁憎呢啲囉」、「一個排,七八個人插隊,一句唔該就行入去」。

最新影片︰

家長插隊做壞榜樣

有家長認為既然小朋友想玩機動遊戲,就要學習排隊等待,排隊可以訓練耐性和紀律。如果不想排隊太耐,建議揀較少人的機動遊戲玩,又或是購買快證。可是有父母為免小朋友排隊太辛苦,同時可以慳時間先玩其他遊戲而代為排隊,再任由家人插隊。

有網民批評這是壞身教,留言「身為家長都要檢討吓,如果我個女連隊都唔肯排,我會直接走唔俾玩」、「又唔諗下排隊小朋友嘅心情,做咗一個壞榜樣」、「我小朋友2歲,佢都係自己排隊」、「個個都話去廁所,根本同插隊冇分別」。

另一方面,有家長覺得如果有年幼孩子或長者同行,幫手排隊情有可原。有網民表示,「排成個鐘,小朋友百厭真係企到癲」、「大人就話一齊排,小朋友同老人家就包容下啦」、「唔好一個排好多個就ok」、「細仔歲半就真係會扭」、「有啲SEN小朋友,其實未必排到咁耐」、「唔係個個可以企咁耐 ,一家人一個去排我覺得無問題」。

網民分享去迪士尼被插隊的經歷︰

    點擊圖片放大
    +7
    +6

迪士尼樂園規則列明,在樂園遊玩時請尊重其他賓客,並在排隊等候時,不要推撞或擠擁其他賓客,也請勿超前或插隊。而同行的親友必須一起排隊,後來的親友不可插隊加入已在排隊區等候中的親友。

免費【呈分試急救班】立即報名︰https://bit.ly/3sFJRE8

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳