【職場哲學】開會見識到人性但見不到成果 腦震蕩會議結果人人腦退化

休閒消費 17:32 2022/05/20

分享:

分享:

如何開一個有成效的會,應該是學校課程的必修科之一。

好事之徒說他不適合做管理層,是因為患了「開會缺乏專注力症候群」。他憤憤不平地說:「每一次開會,入正題時,我個腦就開始雲遊四海,但係我又唔係恰眼瞓喎!我只係無辦法忍受會議上面發言嘅同事,一係就話不對題,重點旁落;一係就廢話連篇,完全無建設性。有人提意見,就一定會有人反對,美其名腦震盪嘅會議,結果係人人腦退化!我集中唔到精神開會,係因為開會令我見識到好多人性,但係就見識唔到開會嘅成果。」

最新影片推介:

口若懸河地數落開會人性的好事之徒,續道:「『今日傾唔晒,下次再續』這句,係我最討厭聽到嘅會議結論,於是我就去研究,點解咁多精英坐埋一齊,竟然討論唔到一個positive嘅結論?原因就係人性!大家有自己嘅hidden agenda:個意見係你提出嘅,我幫你做到,咁咪由你去邀功?我一定要諗啲嘢去攔阻你,起碼唔俾你咁容易得手,拖下你後腿都好。

睇人性嘅表現,好過睇與會人士發言提意見嘅表現,所以,我無辦法可以集中開會討論正經議題,因為我留意緊成班開緊會嘅同事,喺會議上嘅每一個小動作,好睇過戲。

我曾經開玩笑講過,如何開一個有成效的會,應該是學校課程的必修科之一。因為如果想會議productive、有成效,一定要所有參加會議的人,都懂得如何開會,而且大家都必須在同一level上思考,否則,再多開10次會,都不可能有好結果。

全文刊於《經濟日報》,原題為開會應是必修科

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

撰文 : 鄭丹瑞