【MakeALive】MakerVille網上直播平台App登場 鏡粉建議設MIRROR演唱會直播

娛樂 13:04 2022/05/21

分享:

分享:

MakerVille在上月27日截九展Star Hall舉行首次記者會宣佈未來大計,席間預告推出演藝活動平台MakeALive,邀請不同的音樂人、歌手、藝人合作,舉辦大型實體演唱會、大型綜藝活動,並會活動拓展至線上直播。 

而日前MakeALive的官方Instagram「makealive.official」先後上載9張相片預告MakeALive應用程式將於今日(5月21日)正式上架! 

CEO魯庭暉於Instagram發文大表感受,提到:「同事其實一直在努力,將『可能啦』,慢慢咁,變咗做『可能』。」 

最新影片推介:余德丞專訪

5.21上架 

在早前發放的預告圖中,全新網上直播平台MakeALive是主打「全新網上直播平台 讓表演有更多可能」, 當中分唱歌、街舞、棟篤笑、綜藝、分享、劇場、運動、演奏,一共八大範疇,為觀眾帶來全新網上直播體驗。 觀眾可於App Store、Google Play下載應用程式!

    點擊圖片放大
    +8
    +7

魯生曾向同事提問 

就新平台登場,身爲CEO的魯生昨晚(5月20日)於Instagram發文:

我好鐘意問同事問題:

1. 我唔明呀,如果網上live 一個演唱會, 咁會唔會只係變咗做一個「買唔到飛去現場,唯有網上睇」嘅second option㗎?我知我知,咁有得睇都好呀,但係咪真係做唔到個「就算有去到現場都想online experience 多一次嘅platform」?我再講得清楚啲,即係呢,個online platform 要俾到一啲實體現場物理上都俾唔到嘅experience。可唔可以貪心地現場同online都unique ,都會各自create 到唔同嘅value 出嚟俾觀眾架?

2. 我唔明呀,一講live show啲人就諗演唱會,係,演唱會當然係一部份,但其實有好多時,有啲表演,叫我特登去現場睇我又未必會咁神心,但有時唔覺意睇咗,先發現原來自己都幾鍾意喎。咁呢個世界演唱會以外有咁多咁多唔同嘅live performance. 有咁多咁多嘅art form 。可唔可以令「唔同嘅表演者都會搵到更多連自己都未知自己原來係觀眾嘅觀眾。」

他指同事的反應是「可能啦」,又指同事對於他後來的提問的回應是「可能啦,我做嘢先啦」、「可能啦,試吓囉」,「可能啦,改下囉」。 

他後來發現:「同事其實一直在努力,將『可能啦』,慢慢咁,變咗做『可能』」。 

鏡粉提出訴求 

在魯生的Instagram的帖文發佈後,網民、鏡粉也當然踴躍留言,當中有表示對新平台支持,又有建議新平台直播MIRROR的紅館演唱會,以滿足未可成功購票的「鏡粉」。

網民留言道:「好開心有新平台俾歌手藝人 Live」 、「嚟緊MIRROR演唱會可唔可以做網上直播呀?」、「支持,但不如首先叫貴台cam man唔好亂fing鏡頭先?」、「跪求makerville可以提供一個online experience俾海外粉」、「多謝Makeaville努力讓娛樂有更多可能」。 

    點擊圖片放大
    +3
    +2

撰文 : TOPick柴犬出動