【名人母校】曾智華聖若瑟書院畢業50年 「聖Jo仔」讚母校重創意︰百厭星特多

中小學 13:06 2022/05/23

分享:

分享:

人生有幾多個五十年?絕大部分人只得一個!點解突然講此話題?乃因收到聖若瑟書院舊生會「蛇頭」WhatsApp:「肥碌,我哋中學畢業五十年喇,一九七二至二○二二,真係……為表紀念,想搞啲嘢好等大家留住回憶!」

最新影片推介︰

呢位「蛇頭」名袁錦添,綽號「長臂袁」,因中學時乃籃球聖手,一雙手臂零舍長,所以,搶籃板波,勁犀利。

任何團體、聚聚散散本平常。但若能幾十年仍團結在一起者,必定有個任勞任怨,唔怕煩又有超級服務精神,再加點點魅力的大領袖。

    點擊圖片放大
    +4
    +3

呢呢,「長臂袁」正是呢種先天性充滿義工精神的組織者。五十年來不停搞活動外,更年年重編二百幾位同學的聯絡細節,無得唔服。

大班一九七二年中學畢業的「聖Jo仔」,如今全部六十七至七十,散布全球。幸而,交通發達,科技更發達,想久不久聚聚或互通消息,易過借火。

五十周年紀念風褸的設計。(專欄作家提供)

聖若瑟書院的校色為「綠與白」(Green & White),所以,五十周年紀念品,就用呢兩種顏色設計風褸可也。左胸口,大大個校徽。到底,讀過SJC的,多以此校為榮。

因校風崇尚自由奔放,鼓勵創意互動。所以,百厭星特多,「串串貢」的也不少。好處是,想「串」得起,就要不停充實自己。故歷年的校際比賽及公開考試成績,非常出色。百多年歷史,為香港打造無數驕傲的精英——Sons of St. Joseph。

原文刊登於《香港經濟日報》,原題為「聖Jo畢業五十周年

免費【呈分試急救班】立即報名:https://bit.ly/3sFJRE8

【名師試題教室】睇片連工作紙  中英數必學單元:https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

撰文 : 曾智華