【心理陰影】KK Plus男童父親述事發經過 兒子陷入心理陰影:點解個公仔咁恐怖

健康資訊 13:01 2022/05/24

分享:

分享:

Kk plus事件,男童父接受電台訪問承認錯怪兒子。

周日(22日)旺角朗豪坊玩具店Kk plus有男童不小心撞跌大型擺設「天線得得B」,父母即場賠償三萬多元。事發片段曝光後,家長發現非兒子故意撞跌,認為賠償安排不當。事件曝光後,引發爭議,誰對誰錯爭論不休,Kk plus亦就此事發聲明。今天(24日)早上男童父親鄭先生接受電台訪問,講述事發經過及兒子的狀態。看過事發影片後,他認為自己錯怪了兒子,並承認當時只想息事寧人,快快離開現場,因看到兒子感到害怕,整個人僵硬。他又指自己不斷重看影片,看到當時兒子是側身避開一個人,而不小心碰到擺設。鄭父如今認為,店方有責任用圍欄圍著擺設,自己有責任看管好兒子,但亦不需就此事賠償。

最新影片推介:

鄭先生接受商台節目《雷霆881 在晴朗的一天出發》 訪問時表示,5歲的兒子今天(24日)請了假,沒上學,因仍在陰霾中,感到不開心、害怕。鄭父透露:

佢尋日問咗我三次『點解個公仔咁恐怖』,我話『唔恐怖架,打爛咗咋』。佢應該嚇親,因為喺佢側邊嘭一聲散晒。

起初以為兒子踢跌 只想快快息事寧人

他講述事發經過時指,周日(22日)大概6時至6時半之間,發生是次意外。當時家人來電,他背向店舖聽電話,然後就聽到「嘭一聲」。轉身後,鄭父看到那擺設在兒子左邊「爆晒」,於是他看看兒子,心想「肯定係我個仔出事」。

不少網民指,店員當時誣衊是男童踢跌該擺設。鄭父澄清,指店員當時的說話可能誤導了他們:

佢唔係話呢隻公仔係佢(兒子)踢跌佢嘅。佢唔係屈,可能係誤導咗我哋。當時嘅緊張情景,佢一行埋嚟就同我太太講,頭先之前已經見到你個仔踢咗佢一腳架喇。當時大家都好驚,呆晒企喺度。我心諗,衰仔,你第一腳踢佢唔冧,你依家第二腳係咪要踢冧佢,我依家揹鍋喇我。

於是鄭父向店員表示「賠錢啦,咁開張單嚟啦」,因為他發現兒子神情有異:

當時我即刻見到我個仔僵晒,好驚,完全無動作無盛,企喺度,耷低個頭望住個公仔。當時我心諗,快啲離開算喇。開張單嚟,埋單走。

然後,店員告知價錢為5萬多元,於是鄭先生表示用信用卡付款。惟此時,店員著他等一等,說:「我要聯絡返公司,睇下點處理。」等了約半分鐘,對方表示「公司話同收返你成本價就OK喇」。鄭先生表示:「得得得,OK,你快啲搞啦。」收到收據後,他就對兒子說:「搞掂喇,無事喇,阿仔,走啦。」

點擊圖片放大
+4
+3

兒子猶有餘悸

然而,兒子仍猶有餘悸。鄭父說,回家途中,兒子一句話也沒說,「呆晒,喺車度都(呆晒)」。回家後他與太太沒責罵他,而是跟他解釋事件,「因為佢好驚」,「以為佢第二腳都係踢嘅,唔肯定,無睇到丫嘛。」

至當晚9時許,看到事發時那條影片,他坦言「個心就開始噏」:

覺得怪錯咗個仔,賠多少都會賠架喇,但我無時間同佢攞閉路電視,可能個閉路電視都唔係佢公司嘅分分鐘,睇嗰條片。

為了解事發經過,鄭父不斷重看影片:

我睇到佢側身避個人,挨一挨落去就......我尋晚睇啲片,睇YouTuber講呢件事都睇到5點咯。之後不斷重播,睇我個仔做啲咩動作呢。佢係側身避一個人,跟住佢即刻轉身想扶佢,我睇到佢已經想扶個......佢好無助佢唔小心佢真係.......

當被問到事發片段曝光後,有沒有讓兒子看,有否再解釋事件。他表示暫不會讓兒子看,稱「如果畀佢睇,段片時間咁短,佢挨一挨,我驚佢睇得唔清楚,淨係睇到爛晒個畫面都唔係咁好。」

雙方也有責任 但不應賠償

Kk plus今(24日)凌晨發聲明表示會聯絡鄭先生一家,到底聯絡了沒有?鄭先生表示,太太在昨晚8時許曾致電該公司,因為「覺得件事唔係咁,當時條片未出嚟架」,不過那是因看有人傳出相片,發現「之前個公仔有嘢圍著,點解依家無呢?可能有個成年人揹住個背囊嘅,轉個身都搞掂佢。」當時Kk plus表示今天會再與他們聯絡。

事至如今,責任誰屬?鄭父認為雙方也有責任,但了解更多後,認為自己不應賠償。

店舖嘅責任,真係要搵嘢圍住佢囉,你件嘢米八,我唔係啲咩物理學家,我唔知咁樣頭重腳輕,唔清楚佢點製造丫,唔可以從佢件公仔作出評估。但咁大件嘢,挨一挨就跌,應該搵嘢圍住。

他認為店方應用圍欄好好圍著擺設,免生意外:「假設唔係我個仔撞跌,跌落嚟......可能有啲啱啱識行嘅,兜頭跌落嚟就唔簡單架喇。」

家長問題係,我哋都有責任嘅,因為無睇實佢丫嘛,咁講真係人都有錯,無可能全時間𥄫到實一實家嘛。有時做父母嘅,都會觀賞下佢啲產品家嘛。個問題就係,佢(店方)無圍住佢,挨一挨就整爛咗。

鄭父承認,當時不知道事發情況,氣氛緊張,又有很多人圍觀,想息事寧人,故才按對方提出的金額賠償。被問到希望店方怎樣回應?他直言:

唔使賠囉直頭。因為如果你圍住,我整爛嘅,咁無說話好講囉。話晒你咁都可以瓹入去整爛,我真係無說話好講。

他認同目前關注兒子情緒及心理狀態最重要,更透露事件曝光後,曾有遊戲治療師主動聯絡。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰bit.ly/34FTtW9

責任編輯:羅嘉欣