【日日媽媽聲】孝順女甄采浠為家人還債 打三份工幫補家計

娛樂 17:41 2022/05/25

分享:

分享:

甄采浠同媽媽一齊上節目,更為媽媽送上鮮花,場面溫馨。

由余安安、羅敏莊、陳凱琳擔任主持的《日日媽媽聲》第二輯近日正播映中,昨晚(5月24日)播出的第5集,請來孫慧雪(雪雪)、洪永城及甄采浠(前名甄詠珊)擔任嘉賓。

最新影片推介:余德丞專訪

孫慧雪擺烏龍

育有一子的靚媽雪雪大爆老公離譜湊仔事件,她說:「老公帶仔仔去主題樂園玩,佢返到嚟好冇嘢咁話頭先唔見咗個仔,我聽到就好擔心啦,點知佢話:『男仔嚟架嘛,佢識自己返嚟搵我啦,依家咪喺度囉!』」

身為緊張型媽媽的雪雪,則自爆烏龍事件,事緣仔仔兩歲時曾試過當着她面將兩蚊銀扮放入口,當時以為仔仔骾親的雪雪即被嚇得六神無主。

雪雪一家三口好幸福。

雪雪稱:「我反應好大、嚇親佢,見到佢想喊,我更加覺得係骾親,之後將佢成個倒轉係咁掃,諗住幫佢掃番出嚟,搞到佢塊面都變埋色,最後要Call白車,佢上到車先識喊,佢以為媽媽傻咗!」

她更透露與老公的湊仔方式大不同,她指老公是放任型爸爸,會嫌她太緊張小朋友,雪雪說:「佢覺得男仔要Man啲,出街唔好拖住,會搞到好似裙腳仔咁。」

孫慧雪原來係緊張媽媽,同老公湊仔方式好唔同。

甄采浠生性孝順

另一嘉賓甄采浠(前名甄詠珊)與媽媽一起亮相節目。甄采浠透露爸爸因金融風暴導致破產,故16歲時已開始工作幫忙還債。

她更試過一日打三份工,甄媽媽大讚女兒孝順:「佢幫手照顧家庭好生性,我身邊朋友都讚佢,有一次佢賣鞋,老闆唔出糧畀佢,我啲朋友幫佢討回公道攞番啲錢,嗰時我都有匿埋喊。」

提到甄采浠曾為性感組合Freeze成員,她坦言當時是為了生計:「舊老闆好好,會畀月薪我哋,起碼唔使擔心交租,啲新聞好唔好唔重要,最緊要可以生活。」

撰文 : TOPick柴犬出動