【大鬧琴行】興趣班推出新店優惠平過舊店 家長要求回水:你黑店嚟㗎

親子 12:41 2022/05/26

分享:

分享:

琴行分店優惠,竟然令舊客不滿。

商家有時會因應時間或地點不同,針對不同顧客,制定不同價格和優惠。不過有在琴行為子女報讀興趣班的家長,就對琴行推出的新店優惠大感不滿,因其子女正是以原價報讀舊店的課程。該家長指責琴行不同分校,不同價錢,屬「黑店」所為,要求退款或退差價。

有琴行店主向Facebook專頁「生仔要考牌系列」投稿,分享其被一位家長「纏上」的經歷。事主表示,琴行最近新開「分校」,兩店距離頗遠。為慶賀新分店開業,同時為推廣琴行的課程,就推出為期一個月的新店報名優惠。然而某日「本校」(舊店)打烊之際,一名以前在舊店報名,小朋友已學琴一段時間的的舊生家長「突然大力推門入內,目露凶光,一開聲就盤問」。

該家長怒氣衝衝,一開口便質疑琴行不同學生報名的價格不同,又斥琴行為黑店,「喂!你而家學費咩價?!點解同一級程度,你哋平咁多!你黑店嚟㗎!回水!」

最新影片推介:

起初琴行老闆不解,詢問緣由,對方則表示,有其他在琴行「分校」報名的學生,價格比自己報名時便宜,「呀邊個同邊個(分校新報名小朋友),點解佢哋咁平!你間黑店嚟㗎!」事主此時才恍然大悟,解釋「唔係,其實佢兩個喺分別推廣期報名,所以學費先唔同啫」。而家長就繼續怪責事主之前未有向其說明分店有優惠。事主續解釋,「但優惠講明只適用分店,同埋優惠期都過晒喇。」

惟該家長仍窮追猛打,要求退款及要求日後以優惠價學琴,「我唔理你咩分校正校,一句講,一係退返錢俾我,仲要之後收我優惠價,唔喺我唔會再俾個仔喺你間嘢學!為人師表,呃人錢!」琴行老闆則「企硬」,表示已經報名的課程不能退款,「冇得咁㗎,你可以之後唔學,但之前上口咗堂嘅錢無得退㗎」。

雙方你來我往,在退款和優惠問題上糾纏,家長則突然舉例,「你有冇講過麥當勞間間優惠唔同?人哋大把分店,你得一間分店,好巴閉?」而琴行老闆則打斷家長,反問「麥當勞又真係有啲分店唔同價錢喎,你唔知?」該家長聽後啞口無言,就此作罷離去。

本以為事情告一段落,詎料琴行老闆其後某日在同一間餐廳與該家長鄰桌。家長則叫來侍應,指桑罵槐道,「我叫A餐,人哋又叫A餐,點解唔同價?」侍應則大感無辜,回應「人哋下午茶,你午餐,咪唔同價囉」。尷尬場景令事主則在一旁竊笑,而該家長仍全程在一旁不停「念經」,後來每次經過琴行門口都大大聲批評「黑店」,情況差不多維持了2年。

    點擊圖片放大
    +5
    +4

帖文一出,不少網民都忍俊不禁,留言取笑文中的家長。有人也直指,店鋪租金也非每間都一樣,價格不同並非無理。有網民則指出「唔好話麥當勞啦,超級市場唔同地方唔同價錢。」

內容獲「生仔要考牌系列」授權轉載。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

免費【呈分試急救班】立即報名:https://bit.ly/3sFJRE8

【名師試題教室】睇片連工作紙  中英數必學單元:https://bit.ly/3sEeM3Q

責任編輯:王明芳