【張敬軒演唱會】重提跟藍奕邦廿年友誼  軒仔讚岑寧兒洗滌心靈

娛樂 18:25 2022/05/26

分享:

分享:

軒仔跟藍奕邦識於微時。

一連兩晚《THE NEXT20 張敬軒演唱會》分別請來ToNick、岑寧兒和藍奕邦任嘉賓,在第11場Tonick見軒公近期榮升做導演,非常有心訂造了一張寫著HINS CHEUNG名字的導演椅送給他,祝他繼續有好作品,恆仔還笑說:「你拍多啲好作品,可以搵我做演員」。

軒公在台上與ToNick合唱《時間的初衷》,唱到最尾軒仔喊致聲嘶力竭,觀眾歡呼聲四起,唱畢,他笑道:「呢個年紀先覺得自己有rock n roll基因散發出……」恆仔話:「係呀,係一個極度搖滾嘅呼喊!勁呀你!」軒公再笑道:「係喎,我儲儲埋埋,喺屋企食早餐啲唔開心,啱啱一次過散發曬出嚟。」

第12晚,軒仔請來岑寧兒(YoYo)及藍奕邦任嘉賓。軒公表示,過去疫情最嚴重的四個月,很多時都是聽YoYo的歌洗滌心靈、放鬆自己情緒,「由第一次見佢,已經好希望同佢喺音樂上合作,聽佢歌係一種療癒,一陣風吹遍身體。以下呢首歌,一定要Hi-Fi女聲一齊合唱先得。」接著送上《黃色大門》,兩人合唱版令現場觀眾聽出耳油,歡呼四起。

ToNick任嘉賓。

兩人寒喧一番後,軒公再讚YoYo,說每次有機會一起參與演出,YoYo都是其中一位少有令他會像小fans般,全神貫注欣賞其演出的歌手。YoYo聽到之後,開心又害羞,「點好意思呀……好多謝你……我好少講嘢……其實我去你錄音室錄歌多過見你本人……每次同你傾計,你都俾到好多力量我,俾好大鼓勵我。我想送個無形禮物俾你 ,好多謝你堅持疫情下開呢個騷,開咁多場,因為『相聚』係一份好好嘅禮物,我送個擁抱俾你。」

YoYo沒想過軒公突然回禮,「我都想送番份無形禮物俾你,只要一日仲係我揸住AVON 錄音室,我贊助你所有錄音!」 YoYo即時嚇得呆着當場,開心到「擘大口得個窿」,又笑又想大叫,十分可愛。而YoYo獨唱《風的形狀》前,就借紅館時段賣廣告,「我6月24至26會喺star hall 開騷,廣東新EP會推出,多謝軒公俾呢個時段我賣呢個廣告。」

岑寧兒晒靚聲。

昨晚於安歌時段,軒公請來藍奕邦任嘉賓,二人合唱《你倫敦我紐約》,邦邦又獨唱《熱帶魚》讓觀眾童年回憶返來。

軒公說已超過十年沒有跟這個嘉賓在舞台上表演,自己有段日子住在紅磡,當時在香港的朋友不多,會約一些行內唱作人回家玩音樂,只有兩個男唱作人來過他家,一個琴、一枝結他可以玩上一個晚上,「人生冇幾多個20年,人生亦冇幾多個有20年老朋友,好開心呢位老朋友能來我演唱會表演,有請藍奕邦!」接著兩人合唱《你倫敦我紐約》。

阿邦唱畢後表示,「我想講,八年冇上過紅館台,今晚係入行以來第一次做演唱會嘉賓,仲要係四面台。」軒公即回話,「多謝邦邦俾咗第一次我。」阿邦說:「我好感激你一樣嘢,我代表所有觀眾多謝你,因為你冇忘本!識你咁耐,我知道你好清楚,你所得到嘅成就,係咩人、係邊度地方俾你。」軒公則說:「呢個城市,我灌注咗20年青春。同埋好多生活喺呢度,呢一次演唱會,亦好多觀眾及歌迷話我知,大家冇忘記我。」

阿邦昨晚太開心,本來親自煲了湯帶上台送給軒仔,但因為上台後跟同軒公傾得太開心,竟然忘記帶上台。事後邦邦唯有等老友完騷,在後台補送給軒公。而邦邦盛湯的暖壺亦超級有心,他特意去買了一個粉色系列襯回自己的服裝。兩人於後台拿著湯暖壺合照留念,軒公開心道:「嘩,好嘢,今晚返去有靚湯飲!真係開心。」

最新影片:余德丞訪問

撰文 : TOPick柴犬出動