【廣告拍攝】食物放滿枱挑戰拉枱布 許廷鏗彰顯身手1 Take過順利完成

娛樂 13:21 2022/05/27

分享:

分享:

許廷鏗在廣告中要挑戰1 Take過拉枱布。

歌手許廷鏗(Alfred)再度為醇滑嘉士伯拍攝全新一輯廣告,上次他要滑住唱,今次他卻要滑住拍,廣告中他坐在櫈上滑來滑去,原來滑得靚都好有難度,不過說到最難就是要在放滿食物的枱上拉枱布,而且要1 Take過No NG,真是考起身手敏捷的Alfred。

最新影片推介:余德丞專訪

【MakeALive】許廷鏗再上《CHILL CLUB》開騷前拜神 與軒仔互相勉勵:求生求變 

Alfred在疫情下接拍廣告,感恩順利完成:「好感恩喺疫情下拍到廣告,而且亦都冇爆發群組,拍嘅時候疫情未算好嚴重,不過工作人員都非常小心做足防疫措施。」

在廣告中,他要坐在櫈上滑來滑去,他覺得滑住拍都幾好玩,雖然難度不高,但是要滑到個軌跡靚又拍得靚就有些難度。

講到拍攝趣事,Alfred笑說:「今次仲有幾位演員一齊拍,我哋好似朋友咁傾偈,其實我哋亂噏無厘頭嘢,不過出嚟效果又過癮,我諗大家好耐冇一齊聚埋傾偈,希望呢個廣告出街後,疫情都快啲過去,大家朋友可以一齊飲啤酒相聚。」

許廷鏗再度為啤酒品牌拍攝廣告。

1 Take過拉枱布

在廣告中,他要做一個高難度拉枱布動作,而要保持枱上的多碟食物不能倒下,由於避免浪費而沒有安排後備食物,所以只能一次完成不能NG。事前他以為有後製特技效果,但到現場後發現原來自己「諗多咗」,而最終Alfred亦成功靠實力1 Take過順利完成。
 
Alfred在拍攝時當然要嘆番兩杯,他自言上次他與對手強尼拍攝時真飲起來,結果他飲到面紅紅,所以今次他留到最後一鏡才飲,並透露有時愛在家中嘆番幾杯。今次主題是「醇滑係一種生活態度」。

他又笑說:「我終於都有金句啦!之前喺紅隧嘅廣告,寫住『塞係一種常態,但係心情smooth就會過得快』,好多朋友經過塞車嗰時,就會影番相畀我,佢哋仲講笑咁講,話見到我個樣好似無咁忟憎。」

    點擊圖片放大
    +6
    +5

撰文 : TOPick柴犬出動