【母女關係】離婚20年未盡照顧責任 母親問女兒借錢買樓被拒反斥女兒無用

親子 10:47 2022/05/31

分享:

分享:

母親20年來未照顧女兒,卻向女兒借錢買樓。

世上只有媽媽好!不過如果媽媽自女兒年幼便沒有盡過照顧責任,長大後卻突然問女兒借錢買樓,又如何呢?有女網民近日就在討論區發文,表示早年母親已與父親離婚,父親將其兩姐妹帶大,母親則20年來未與其生活過。詎料近期另結新歡的母親,卻問兩名女兒借錢買樓。兩名女兒不從,母親則大罵女兒,「咁大個人連十幾萬都拎唔到出黎咁廢」。

網民在香港討論區發文分享母親向其借錢買樓的經歷。事主表示,20年來一直與胞姐和父親生活,而早前便與父親離婚的母親,一直以來,只是偶爾與兩姐妹外出用餐,並會給她們零用錢,及買一些日常用品,「以前阿媽淨係識比錢我哋,唔係阿爸叫我地搵阿媽拎錢,而係阿媽每逢開學就會比筆錢我地去買書之類,佢想買野就會幫我地兩個買埋,但老實個啲野我地可能唔需要。」事主坦言曾拒絕母親的物質供給,但每次母親都會反斥責她不懂珍惜。

對於母親的物質供應,兩姐妹不以為意,加上價值觀不合,長大後二人亦以各種藉口拒絕再與母親見面吃飯,「因為阿媽真係越黎越古怪,成日想灌輸扭曲既價值觀比我哋」。

最新影片推介:

事主又提到,母親20年來有多段感情,但每次都被「騙財騙感情」,至近期才與一名背景相近的男子穩定交往。惟母親卻突然向久未相見的兩姐妹借錢,事緣她正準備與男友買樓,又聲稱日後可將房產作遺產留給兩姐妹。母親不夠首期,而兩姐妹亦囊中羞澀,最終拒絕母親要求。母親則因此大為不滿,斥責女兒「咁大個人連十幾萬都拎唔到出黎咁廢」。

事主為此曾勸說住公屋的母親不必置業,但母親仍不罷休,到處籌錢,甚至向20年來老死不相往來的前夫,即事主的父親借錢。籌足首期後,母親又再出言怪責兩名女兒,「話佢養左我地咁多年點解我地係佢需要幫個陣我地唔出錢幫佢」。事主則反問:「咁我借錢比你可以等你比到首期啦,咁你供樓有困難個陣我又要借錢比你?咁點解你唔直接叫我地兩姊妹幫你供埋樓?」

    點擊圖片放大
    +5
    +4

帖文引起其他網友熱議。有網民質疑,「借錢俾佢係害左佢,只怕佢又一次俾人呃」。亦有人指出,多年來母親給予事主的物質物質供給,只是拋棄女兒的補償,「其實她離婚時已唔要你兩姊妹,之後只系補償!」,勸事主不必覺得內疚。有人則反諷,表示「你同你媽講, 你細細個就家庭破碎, 痛苦地生活咁多年, 你都未問佢賠償精神損失. 快啲問佢男朋友屋企人借錢賠俾你。」;「咁大個人十幾萬都攞唔到出嚟咁廢;佢幾廿歲人都係攞唔到呢!」

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

免費【呈分試急救班】立即報名:https://bit.ly/3sFJRE8

【名師試題教室】睇片連工作紙  中英數必學單元:https://bit.ly/3sEeM3Q

責任編輯:王明芳