【我哋係COLLAR】Candy夠好勝阿Day勁多口頭禪 芯駖帶閨房用品與隊友過夜【有片】

娛樂 11:12 2022/06/02

分享:

分享:

ViuTV新節目《我哋係COLLAR》在本周一播出,當中紀錄《全民造星IV》出身的女團COLLAR的成軍之路,還有粉絲期待已久、還未播出的團員Staycation及遊戲競技環節。

TOPick在上述環節播出前,與COLLAR的8位成員玩遊戲,期間透露在Staycation當中不少秘密!

COLLAR齊去Stayaction

沈貞巧(Gao)、邱彥筒(Marf)、許軼(Day)、王家晴(Candy)、蘇雅琳(Ivy)、蘇芷晴(So Ching)、李芯駖(Sumling)和陳泳伽(Winka)組成的女團COLLAR的首個「團綜」《我哋係COLLAR》,於本周一(5月30日)首播。

由她們參加《全民造星IV》、簽約、排舞、錄歌等的「成軍之路」開始講起,除向觀眾介紹她們背後勞苦功高的團隊,還請來樂壇大前輩鄭欣宜來分享如何抒壓。

接下來的《我哋係COLLAR》集數會逐一介紹隊員的生活,還有宣傳中常提起的COLLAR Stayaction。

(陳詠琪 攝)

擁有不同背景、出身的COLLAR,緊隨比賽後馬上成團,隊員之間感情基礎和了解並不深,但透過這個三日兩夜的Staycation後,8位成員的關係變得更加緊密。

TOPick跟COLLAR成員進行「不準做」的卡牌遊戲,之前曾被隊友爆料勝負慾爆燈的Candy(王家晴),在今次遊戲中仍然力保不失穩坐「遊戲王」的寶座勝出遊戲,而一路帶領隊員展開話題、專注訪問的隊長阿Gao(沈貞巧)慘成輸家,需要接受「衫夾大懲罰」。

回味無窮

COLLAR在三日兩夜的Staycation當中各有得著,問到眾人最回味的部份,So Ching(蘇芷晴)玩「食字」笑謂:「分隊玩遊戲時贏咗嗰隊有得食刺身,好回味無窮!」

點擊圖片放大
+7
+6

阿Gao則透露在衝浪的環節,因為Winka(陳泳伽)多次失手而有所領悟:「我哋去衝浪個度,Winka真係試咗好多次都上唔塊板,去到最後幾次先終於得咗,反而我哋一開始上到板嘅人,去到最後就唔得,我覺得呢樣嘢幾啟發到我。」

而Winka則歸功於So Ching,指得到對方的支持力量才終於成功。

Candy故意引阿Gao做卡牌上的動作。(陳詠琪 攝)

Staycation亦有煮食環節,但問起COLLAR的菜單,眾人數出來的都時一些簡易即食的食物,例如公仔麵、通心粉等等,Marf(邱彥筒)講出了較為特別的「So Ching愛心多士」,而Ivy(蘇雅琳)則謂:「我哋煮咗10幾廿隻蛋!有炒蛋、滑蛋乜都有。」

奇怪習慣大爆料

三日兩夜朝夕相對的日子,加深了COLLAR隊員的互相了解,同時亦會觀察到對方奇怪的小習慣,Ivy率先爆Sumling(李芯駖)料:「大家都知佢會帶好多嘢,但我哋其他人會覺得三日兩夜嘅時間,唔敷一日面膜無所謂啦、帶少樣嘢無所謂啦,但Sumling會面膜帶十幾廿張、保濕、眼霜、晚霜、防曬啦,仲有啲咩?」

(陳詠琪 攝)

在旁的Sumling一臉尷尬:「帶咗枕頭。」COLLAR全體隊員爆笑,Sumling唯有胡亂堆砌一個解釋:「因為我同你(Ivy)一間房囉。其實係我習慣咗要過夜都帶好多嘢,以備不時之需,同埋瞓慣咗個枕頭瞓其他會瞓唔著。」

自認在玩遊戲時是「無技巧衝動派」的阿Day(許軼),則被Marf爆料:「我哋發現咗DayDay有好多唔同嘅口頭禪,例如『Cool Man』、『This is nice』、『真心咩』,全部都係個啲好Yo嘅句子。」

點擊圖片放大
+4
+3

遊戲王/聰明擔當

在今次遊戲勝出的Candy每次都以詞語代替完整句子來對答,減低「中招」的機會。講起眾人在節目中玩遊戲時的角色,Candy搶答:「認真派。(指自己)」Ivy則「一輪嘴」地謂:「我係自己以為我好勁大家都以為我好勁但係一啲都唔勁派。」

Sumling被Winka指她是冷靜派,但她卻自認是力量派,更自爆在節目遊戲中還不慎弄傷手。

為免輸遊戲而少說話的Candy,經常舉發其他犯規的隊員。(陳詠琪 攝)

當問到大家想要改善的地方,Candy再次以極短句子作答:「聰明啲(指自己),你哋呢?」阿Gao則希望大家能夠更加準時,而「講經擔當」的Winka則謂:「我覺得可能我要講少啲嘢,有時我太多嘢講,我都想cool啲做個Cool girl。」

演唱會/節目新構想

1月出道的COLLAR本來預計在今年3月舉行首個演唱會,但因為疫情關係暫緩,隊員表示至今還未開始構思表現的項目與流程。問到她們有甚麼元素想要加入表演中,Winka秒答:「我想被人吊起身!」多位隊員亦有舉手表示想體驗吊威吔的感覺。而Ivy則謂:「我記得Marf話想揈水,可以同觀眾有親密啲嘅交流。」

點擊圖片放大
+7
+6

首個團綜《我哋係COLLAR》集數不多,雖然只播出未夠一周,粉絲已經預視到將會意猶未盡,若果COLLAR再開下一個綜藝節目,她們又會有甚麼想法?

Ivy表示想要開新節目玩「常識問答大賽」,她笑謂:「我哋有幾個隊員都無乜常識。可以問下例如紐約係邊個國家嘅、點解天空係藍色。或者問下成員之間的小問題,例如阿Day幾時生日咁。」

(陳詠琪 攝)

阿Day突然插嘴:「可以拍《調教你隊長》!」隊員集體叫好,阿Marf反問:「個節目要七對一?」

穩重的Sumling則表示:「反而想之後可以做一個我哋做幕後嘅節目。」Winka與阿Day齊聲表示,想為化妝及髮型團隊化妝和Set頭,在場邊的妝髮團隊不禁耍手擰頭,場面搞笑。

化妝:San Chan、Kineks Ho、Janice Wong、Percy Shing、Cathy Zhang

髮型:Vic Lai、Kenji Chan、Kristy Cheng、Taurus Lee

造型:TeamCL

記者:陳心怡

最新影片推介:鄭欣宜專訪