【購物原則】「唔買仲抵」購物原則 鄭丹瑞:要買有需要而不是買好抵的東西

親子 16:44 2022/06/01

分享:

分享:

陪好事之徒下午茶,因為好事之妻夥閨密shopping去。時間過得真快,下午茶時段已經完結,咖啡室開始預備晚餐,我們的話題也傾得七七八八,但好事之妻仍未出現,急得好事之徒如熱鍋上的螞蟻:「次次去shopping都唔聽電話,傳短訊俾佢又唔覆!」只好被迫留下來,繼續吃晚餐。

最新影片:

入夜,終於等到好事之妻出現,果然滿載而歸:「好抵呀!」是她還未坐下,就急不及待拋出的一句說話:「間間舖頭都有折頭,買完又可換購物券,再買、再折!搞到我同閨密騰上騰落,買完一間shop,攞住張收據,又要衝上去換領處排隊換購物券,再衝落去另一間shop繼續搏殺,買到好攰呀!不過,真係好抵。」好事之徒望住老婆大人身旁大包細包的戰利品,淡然吐出一句:「唔買仲抵。」這句說話,當然相當掃好事之妻的興,但我卻打從心底由衷同意和佩服他的勇氣,夠膽把真相說出來。

也不知打從甚麼時候開始,我就奉行「唔買仲抵」的購物原則:要買就買有需要的,而不是買好抵的東西。有需要的,即使很貴都要買。我有好幾套衣服,二十多年前買的時候,很貴、很肉赤,但卻讓我在不同場合,穿過上百次,款式不僅不過時,質地也相當耐用,這才叫做抵!我的理論是:購物無所用,好抵變唔抵,咁就唔抵啦!

本文刊登《香港經濟日報》,原題是:「唔買仲抵

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

撰文 : 鄭丹瑞