【我哋係COLLAR】沈貞巧獲父母全力支持追夢   Gao爸爸撐前世情人:你活得開心就得㗎喇

娛樂 16:30 2022/06/02

分享:

分享:

《全民造星IV》出身的女團COLLAR第一個「團綜」《我哋係COLLAR》在昨晚(6月1日)播出第3集,並由這集起將一連3集以「認識COLLAR成員」為主題逐一了解成員內心世界。

率先登場的是COLLAR隊長Gao(沈貞巧)、Marf(邱彥筒)、Winka(陳泳伽)。其中Gao的爸爸媽媽與愛女一同接受訪問,Gao感謝父母全力支持她追夢,她更感動得哭成淚人,場面感人!Gao父親更向女兒說:「屋企,我搞掂」,展現滿滿的愛!

最新影片推介:鄭欣宜專訪

Gao父母支持愛女

阿Gao一向喜歡毛公仔,她在製作組安排下,親手製毛公仔給爸爸。但原來製作組預先已邀阿Gao父母搶先到店內,在之前製毛公仔給Gao,當父母突然出現令她十分驚喜。

之後她與父母並排而坐聊天,Gao笑稱手上由她製的河馬公仔與媽媽有點相似。Gao父親就指他所製的熊啤啤公仔的名字是「搞掂」,意思是女兒可處理任何事情而不用煩他們。

Gao在可錄音的河馬公仔內錄製了說話給爸爸:「爸爸,係我啊,多謝你令我成為一個善良嘅人。」二人聽後相視而笑。

而熊公仔則有Gao爸爸給女兒的錄音:「阿Gao,呢隻熊仔就係爹哋、媽咪揀畀你嘅,如果你有咩唔開心,你就聽下呢把聲,爹哋、媽咪一定支持你,你放心!」Gao聽畢後馬上落淚。

她也在個人IG中分享稱:「揀河馬 因為想整埋比我媽 執子之手 係由細到大佢地比我見到最靚嘅畫面 我不孝 成日無時間陪佢地 不過再努力啲 希望過幾年佢地可以健康享福享樂 多謝製作組比我整埋媽媽個隻 一家人齊章!」

    點擊圖片放大
    +11
    +10

Gao追跳舞夢

節目內播出過往《全民造星IV》的片段,Gao當時說:「喺香港,如果你做跳舞,唔係做commercial方面嘅嘢,其實揾嘅錢係好有限,你要我孭起一個屋企嘅責任,其實係唔ok」。

Gao爸爸在《我哋係COLLAR》說:「我同佢講,你嗰份工隨時有得做,但跳舞唔係,跳舞真係好講體魄、heart,總之你跳到自己跳唔郁,你話我唔跳喇,就得喇!總之你鍾意做咩,我一定支持你㗎,你活得開心就得㗎喇,第日唔好後悔。你去做喇,屋企我搞掂!」

    點擊圖片放大
    +6
    +5

Gao:多謝佢地造就咗我嘅人生

節目內也播出一家人的溫馨合照,Gao感恩地稱父母選擇繼續支持自己,令她可以好好地做到自己想做的事:「呢一個自由度對我嚟講係好難得,同埋係好了解嘅一樣嘢嚟嘅,我會覺得呢一個係我地屋企嘅愛嘅方式,多謝佢地造就咗我嘅人生,生咗我出嚟。」

    點擊圖片放大
    +7
    +6

被稱為Lok-woman

Gao在《造星IV》決賽中以黑馬姿態憑37分勇奪亞軍。現年29歲的她是COLLAR隊中年紀「第二大」,而且十分懂關心身邊人。

身高158cm的她卻勁度十足,與MIRROR隊長Lokmanm一樣擅長跳Locking舞蹈,更被稱為「Lok-woman」。

Gao被公司安排成為COLLAR的隊長,其粉絲的稱呼是餃子,而任職跳舞老師的她在過往表演都大晒強勁舞技,是COLLAR的舞蹈擔當。

    點擊圖片放大
    +5
    +4

撰文 : TOPick柴犬出動