【重男輕女】媽媽連生4女被奶奶刻薄第5胎追仔成功 兒子被縱壞成敗家仔

19:07 2022/06/02

分享:

分享:

重男輕女仍然存在不少家庭。

少女忿忿不平:「真替阿富汗婦女不值,點解喺現今文明世界裏面,仲有咁多婦女被嚴禁做呢樣嗰樣,男人地位就高高在上,太唔公平啦!」

少女是家中獨女,從小地位超然。她父母的家族成員不是抱獨身主義的,就是決定不會生育孩子,兩個家族合起來,都只有他們這一房生了這個女孩,十多個成年人集中來寵她喎,名副其實是萬千寵愛於一身呢!

「你夠運,生喺呢個年代,你阿嫲同太嫲就無你咁好彩啦!」興之所至,我又開始給年輕人展開口述歷史了。

「以前嘅中國婦女被教育為『女子無才便是德』,即係唔識字至係優質。」少女叫嚷:「咁都得?咁女性咪無書讀囉?」「對,女人只要懂『三從四德』,三從即未嫁從父、出嫁從夫、夫死從子……」

最新影片推介︰

我見少女開始打呵欠,要速轉話題了:「以前社會極之重男輕女,我阿媽條村就有一家人生到第四胎都係女,佢哋竟然將女嬰丟入河,幸好被好心人救番,呢啲事時有聽聞。」少女瞪大雙眼,神情像在聽鬼故事。

「我記得小時候,有個女鄰居經常坐喺後樓梯喊,佢就係生咗四個女,成日被奶奶刻薄,結果第五胎生咗個仔。」少女撇嘴,一臉不屑。「後來四個女都學業有成,惟獨個仔就敗家,從小被阿嫲縱壞囉……」

少女的爸爸剛巧路過,寶貝女兒立刻抱緊他大喊:「我唔結婚、唔生仔,我決定一世從父!」逗得爸爸大笑。

全文刊登《香港經濟日報》,原題為「重男輕女

免費【呈分試急救班】立即報名︰https://bit.ly/3sFJRE8

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

撰文 : 鄧藹霖