【第五波疫情】院舍重新開放探訪女再探8旬母 嘆4月不見恍如隔世

社會 05:30 2022/06/03

分享:

分享:

相隔4個多月,陳女士(右)終可親身探訪母親彭婆婆。(陳國峰攝)

第5波疫情從高峰回落,院舍早前已恢復有限度探訪。80多歲的彭婆婆是元朗院舍住客,本身有長期病患,自1月中第5波疫情爆發後,已有4個多月沒有見過家人。再次親身接觸母親,女兒陳女士感覺恍如隔世,「第一次見返媽媽,感受當然興奮,但同時見佢瘦咗好多,又冇咁精靈,就唔係幾開心」。

過去4個多月,兩母女相見只能依靠一部智能手機,「媽媽聽力退化,有時帶耳筒都未必聽得清」;而彭婆婆為人嘴饞,陳女士每次探訪都會準備母親愛吃的食物,即使院舍膳食不錯,「佢都話無啖好食。」

彭婆婆居住的院舍可容納228名院友,疫情時有150人入住,高達97%院友受感染,彭婆婆亦不能倖免,幸已接種2劑新冠疫苗,病情相對平穩,未有出現嚴重徵狀。陳女士指院舍防疫措施已做得不錯,無奈病毒傳播力強,「姑娘通知(媽媽)感染咗都好緊張,知佢無事先鬆一口氣。」

身為院長的李輝表示,約18%院友於第5波疫情中離世,院友與家人相處時間更顯珍貴,「老人家幾個月無見身體差咗,個人老咗,行動又慢咗,真係見得一次得一次。」

疫症困擾香港2年多,李輝稱家屬好像已習慣新常態,持續地熔斷、開放又煞停,故恢復探訪後院舍運作一切暢順,而電子科技如視像會面,也可彌補到疫情下的相思。但彭婆婆心中最渴望的,仍是與家人齊齊整整去飲餐茶,「成年幾都冇得飲喇,有得去食吓(點心)會開心啲。」

    點擊圖片放大
    +8
    +7

政府派發電子消費券 一文看清最新商場商戶優惠:https://bit.ly/3xdMkJc

HKET APP健康台更多都市疾病影片:https://bit.ly/3cNFwr7

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載:https://bit.ly/34FTtW9

記者:蘇文軒