【十八年後的終極告白2.0】趙希洛多層次喊戲騷演技 27歲鄧卓殷演中學生零違和

娛樂 17:51 2022/06/04

分享:

分享:

《十八年後的終極告白2.0》

TVB新劇《十八年後的終極告白2.0》自開播後,焦點一直集中在3位女主角:譚凱琪、龔嘉欣及趙希洛身上,更有網民曾留言表示希望譚凱琪與趙希洛鬥瘋癲。

觀乎劇情發展,趙希洛(Candice)飾演的宋慧琪(Joyce)暫時尚算「正路」,之前兩集的演技更是讓人眼前一亮。

【十八年後的終極告白2.0】譚凱琪被封攬炒姐 監製回應被指劇情與「18年」無關質疑

最新影片推介:林凱恩專訪

喊足4.5小時

《十八年後的終極告白2.0》劇情講到因為Joyce連環遭受小產打擊,留院期間哭了又哭,先是對著老公Jason(陳山聰飾)「欲哭無淚」兼自責的問道:「BB明明佗得好哋哋,點解突然之間冇咗…係咪我做得唔好…」

然後她再來情緒「Level  Up」,掛著兩大行淚水走上醫院天台企跳:「我真係接受唔到呀!我發夢仲見到我哋個BB,佢喊得好慘,好想抱佢,但我抱唔到佢…」

不少網民對於Candice在天台演喊戲直呼印象深刻,大讚演繹有層次。她及後亦在個人社交網上載拍攝花絮照,並透露原來為該場戲喊足4.5小時。

    點擊圖片放大
    +11
    +10

趙希洛交足功課

Candice事後受訪時坦言兩場喊戲均做足功課,與教戲老師討論了不少細節位:「每一種痛嘅演繹方法都有好大分別,好感恩大家有留意到。每場喊戲我都分咗唔同嘅程度,因為每個人就算經歷同一件事,未必每次嘅哀傷都係一樣。」

由於Candice的「癲婆」演出太深入民心,網民期待她再登「癲」峯,《十八年後的終極告白2.0》監製王偉仁對此笑言Candice該兩集演出只是「小菜一碟」,隨著劇情發展她將延續「瘋狂的血」,帶給觀眾前所未有的官能刺激:「大家應該從來冇見過咁嘅趙希洛。」

    點擊圖片放大
    +5
    +4

分享扮演學生妹心得

另外,昨晚一集亦有新角色登場,便是飾演龔嘉欣14歲妹妹沈曉彤的鄧卓殷(Amber)。雖然現實中的Amber已27歲,演與真實年齡相差13年的學生妹卻零違和。

日前Amber在社交網上載劇照,獲不少網友畀Like留言:「唔似14歲,似13……」、「嘩~巧似未成年少女呀。」

Amber受訪時分享扮演學生妹心得:「會觀察表妹平時嘅舉動同埋語氣,第二睇完劇本後唔好諗得太複雜,因為小朋友比較直率。」

另外又分享減齡貼士,就是空氣劉海配鬢辮以及校服,Amber笑言:「著住校服之後即刻覺得自己係學生,好幫到入戲!」Amber又謂難忘龔嘉欣對她的照顧:「有一場情感戲,嘉欣捉住我對手講番我哋戲入面嘅處境,即刻幫到我入戲,啲眼淚衝出嚟,好感謝有佢。」

撰文 : TOPick柴犬出動