【離開大台】余德丞離巢後享受言論無束縛 Dickson不怕得罪TVB:方丈唔係咁小器

娛樂 13:37 2022/06/06

分享:

分享:

余德丞離巢後言論無束縛,不怕上ViuTV得罪TVB。

現年32歲的余德丞(Dickson)一直備受TVB力捧,但在上月初卻突然宣布約滿離巢大台,令不少人大感震驚。

回復自由身的余德丞,更頻密地為自己YouTube頻道拍片,同時上商台、ViuTV及各YouTube頻道任嘉賓。

前日,Dickson便為「FHProductionHK」最新影片當嘉賓,接受熊仔頭訪問。Dickson不但重回母校香港華仁書院,帶大家分享其就學時期的回憶,在訪問中更自爆因太有主見得罪人。

最新影片推介:林凱恩專訪

太有主見得罪人

Dickson憶述剛入TVB時,不時提出對節目的意見得罪人:「一開始入去做兒童節目,大約做咗半年至一年時,已經好似大佬咁喺度行。『呢樣嘢會唔會咁樣好睇啲呢?』、『會唔會咁樣舒服啲呢?』、『會唔會啲人鍾意睇呢啲呢?』,監製都覺得『咦你咁多意,係咪想做埋導演?』。」

他無奈稱:「簡單啲,為咗件事靚而做好多嘢,但其實好多人覺得關你鬼事咩,你唔使理呢啲嘢啦。」Dickson指,以前很少機會在主持的節目中加入自己想法,即使知觀眾想看甚麼、聽甚麼。並透露不時看評論,而了解大形勢:「最想我的節目梗係要搵到滿足感,得到認同我係會開心。」

主持熊仔頭問:「以前得唔到認同咩?」Dickson回應:「自己YouTube頻道裡面嘅評論,『我有你節目』、『喂你好抵死喎』、『你個性格都幾衰格』,一手一腳做出嚟,好似望住BB出世一樣,三唔識七都會同你講『加油呀余德丞』,會有好窩心嘅感覺,好多謝、好感恩。」

訪問期間,他接到工作通知即時興奮到彈起,自己工作親自洽談成功,特別有成功感。

    點擊圖片放大
    +5
    +4

想自己做得開心

重提與TVB約滿,Dickson坦言頭一兩個月都睡得不好,快將踏入33歲的他,在大台8年嘗試過不同崗位,認為這是合適時機。

熊仔頭指他正值備受重用時期,為何會有此決定?Dickson稱:「永遠都係比較、取捨,平衡拉扯,我想自己做得開心,自己滿足到自己。真係再續一張約的話,可能就係N年,去到呢個歲數,再唔行出呢一步時,可能冇機會。嗰時仲有冇勇氣呢?嗰時仲承唔承擔到呢個後果呢?可能冇機會。」

他形容這掙扎過程似跳崖:「你喺懸崖,嗰條友殺到埋嚟,你都要跳㗎啦!你跳可能九死一生,但至少有一生。」

Dickson早前在《青春不要臉》擔正男主角。

不怕得罪方丈

主持再追問為何能在備受重用一刻離去,他直言:「我簽嗰張長約係6、7年前㗎啦喎,佢畀得錢我,我都係有做嘢㗎嘛!咁當然大家都有付出㗎嘛。我每年都好勤力工作㗎!某程度上都係合約條款嚟,冇辦法啦,真係合約到期。方丈唔係咁小器嘅我覺得。」

他又笑稱不怕上ViuTV會得罪TVB:「世界阻我唔到啦已經,我決定行自己(的路)。」續指現時說話尺度不同:「以前講嘢好持平,盡量唔好得失兩邊,依家可以有啲立場,至少講波可以有立場。拍飲食節目,人哋借場畀你拍,以往唔係好敢去講究竟係好食定唔好食。」

    點擊圖片放大
    +11
    +10

撰文 : TOPick柴犬出動