【MIRROR成員】Anson Lo挑戰最污糟邋遢造型 為《King Kong》首次執導MV感驚慌

娛樂 10:00 2022/06/09

分享:

分享:

Anson Lo挑戰史上最污糟邋遢造型,為新歌《King Kong》首次執導MV大呼驚慌。

MIRROR成員盧瀚霆(Anson Lo)於今日推出全新跳唱歌曲《King Kong》,並首次擔任MV導演,以Virtual Background(虛擬背景)拍攝超現實故事情節。

首次執導的Anson Lo坦言這是一次難以忘懷的驚慌體驗,《King Kong》由昨晚九時多上架至今,短短半日已累積了超過40萬人次點擊,預計一日內有機會破百萬。

最新影片推介:林凱恩專訪

《King Kong》的MV靈感來自《移動迷宮》系列電影,Anson Lo希望能向電影致敬,所以MV的開場參考了電影來拍攝,並想從MV故事中展現「人性的考驗」

教主稱:「升降機上嚟後去到一個乾旱嘅沙漠,大家為咗爭一支水而展露人性,其實成個故事配合返歌詞內容,比喻人為求得到想擁有嘅嘢而競爭、比賽,但其實除咗自己勝出,好大機會可以大家一齊贏,一齊擁有、分享一個好好嘅成果。」

【CHILL CLUB】教主Anson Lo盡展舞台魅力 許廷鏗有心理陰影MC首現場唱《小心地滑》

【MIRROR成員】Anson Lo坦言出道最辛苦面對流言蜚語 教主用作品證明自己

首次執導感驚慌

今次Anson Lo更首次擔大旗為MV執導,他形容是一個很驚慌的體驗:「無諗過自己要參與嘅部份有咁多!以往自己預期做導演可能只係諗MV橋段、服裝,好片面嘅設計概念,但今次執導《King Kong》之後,就發現好多嘢都要顧及。」

他續指:「除咗故事情節,仲要顧及幕後製作例如Rundown,或遇到困難時要調度拍攝次序,甚至演員演繹方法、情緒,導演都有責任去主導。今次係一個係驚慌嘅經歷,因為發現自己好多嘢都唔識,喺幕後管理方面好多嘢都唔識,要人哋教我點去做稱職導演。」

首次執導亦為Anson Lo帶來無比的壓力:「如果話自己係呢個MV嘅導演嘅時候,就好似MV 100%好與壞都完全自己造成,所以由Day 1開始都好想確保MV質素係好,或者表達故事同《King Kong》本身首歌詞同步,呢個係最大壓力來源。」

    點擊圖片放大
    +9
    +8

加入虛擬背景充滿科幻感

另一個壓力來源,相信是因為拍攝上的不確定,事關今次MV很多畫面都要配合虛擬背景,於現場同步處理拍攝,過程中困難重重。

【MIRROR成員】Anson Lo拍新劇兼任新歌MV導演 教主:有時避免唔到做錯決定

Anson Lo謂:「今次用咗虛擬背景,喺虛擬世界乜嘢都有可能,就算空間感、大細,同背後物件距離都可以自由調節,係好大嘅自由度,但佢嘅困難度唔比實景少。」

今次拍攝了兩日,最大困難是連接上有阻滯:「變相用咗好多時間喺轉場景,會用上半個鐘或者一個鐘去重新set up,係好消耗時間拍MV方法,但今次用新方法拍攝係好得意嘗試,可以用到一啲場景係喺香港現實生活中未必有嘅場景,當係喺一個不存在未知世界裡面去進行《King Kong》嘅故事情節。」

    點擊圖片放大
    +8
    +7

【MIRROR成員】Anson Lo完成50小時MV拍攝 教主冇得休息趕住開工拍劇

破紀錄拍攝

由於現場各個場口準備需時,加上拍攝內容甚多,結果今次拍攝時間打破了Anson Lo過去所有個人MV,共花費了兩日合共40小時來拍攝。

Anson Lo說:「因為拍嘅嘢實在太多,故事情節同跳舞比例比起以往多好多。以往拍攝Solo MV最多只需20多個小時,所以今次係拍攝時間最長亦係最攰嘅一次。」

因為開拍前他還在拍劇,接住連續拍兩日MV,中間還出席了一個工作event:「拍完翌日又要立即去拍劇,拍劇後又要再做第二樣工作,結果咁多日只係瞓咗3小時,所以休息時間亦係最少嘅一次,係一個破紀錄嘅MV。」

既挑戰導演工作,又挑戰最長工時,Anson Lo還挑戰了自己對造型上的愛美標準。今次既穿上背心大騷麒麟臂,更畫上滿身傷痕、不再青靚白淨!

Anson Lo笑言:「今次MV造型係自己史上最污糟邋遢、最不修邊幅,對我嚟講係好大膽嘅挑戰,因為我通常著長袖,得兩件Layer已經算少,而且一定長袖、西裝居多,希望今次MV會令大家覺得同以往嘅Anson Lo嘅跳唱造型有啲唔同。」

親身上陣拍打戲

另外,繼去年電影《假冒女團》後,Anson Lo於《King Kong》MV中亦有親身上陣拍攝拳拳到肉的武打場面:「今次嘅動作亦係以往拍戲時未試過,對上一次武打場口係上年拍攝《假冒女團》,當時學咗好多同功夫、踢腿有關嘅嘢。」

教主進一步指:「今次《King Kong》嘅打鬥就比較貼地少少,冇咁專業踢腿嘅招式,但今次用嘅招數係我未試過,例如趴地被人拉去後面,係喺電影常見嘅情節,但今次自己就可以試下。」

撰文 : TOPick柴犬出動