【冥冥之中】蘇志威出動私伙靚衫拍劇　因演唱會錯過與甄子丹合作機會

郭羨妮、栢天男、劉心悠、袁綺雯主演的ViuTV原創劇《冥冥之中》內，有闊別熒幕多年的蘇志威再接拍劇集，他坦言感覺十分好玩：「再拍劇嘅感覺幾得意。趁宜家有呢個時間，又想試下玩下。」

最新影片推介：

蘇志威表示為角色特意度身訂造專屬的服裝，更與劇集的美術指導一同研究及設計：「因為咁多年無拍劇，拍完呢套之後又唔知幾時先會再拍，所以揀咗好多戰衣出嚟。有啲係收埋咗好耐嘅經典靚衫嚟，又可以配合返劇集入面唔同嘅年代。」 
 
今次劇集亦會有動作埸面，蘇志威分享指因以草蜢組合活動為優先，所以曾不敢接拍武打戲：「嗰時記得有次《葉問》想搵我拍，但係因為就嚟開演唱會，所以就婉拒咗。我真係好想同甄子丹拍。但因演唱會嘅關係，如果啲手腳有咩事就上唔到台，所以當時真係唔可以冒呢個險。」 

▲ 蘇志威為劇集出動經典私伙靚衫。