【MIRROR成員】Ian預告將有新歌面世  陳卓賢盼成為全能唱作人

娛樂 16:35 2022/06/13

分享:

分享:

Ian很快又有新歌!

人氣組合MIRROR成員陳卓賢(Ian)的新歌《Got U》除與T-Ma攜手作曲外,歌詞、編曲部份都參與甚多,更兼任樂手,實行向全能唱作人方位進發。

今次是Ian首度與填詞人T-Rexx合作,但原來二人的創作過程,多以英文歌作主導,他更分享了今次《Got U》歌詞部份的創作經過:「我平時聽英文歌佔好大比重,聽到某隻英文歌嘅歌詞好啱《Got U》,就會成隻歌Share俾T-Rexx,跟住佢就會用佢嘅方法,再睇可唔可以轉番做廣東話歌詞,放喺歌入面,所以《Got U》,就有呢個元素喺入面。」

他又指,這是很有趣的溝通方式:「我亦有話佢聽想要乜嘢主題、感覺,但用唔 同語言嘅歌曲嚟做reference都幾得意。」

最新影片推介:黃婉華專訪

【MIRROR成員】陳卓賢29歲生日Hellosss舉行活動慶祝 Ian驚喜現身全場哄動

《Got U》的靈感源頭

在作曲方面,繼《DWBF》及《搞不懂》,Ian再次與T-Ma合作,加上有了上兩次的經驗後,二人都十分了解對方的喜好,創作上亦有一定的默契,因而成就了《Got U》的誕生。

 Ian憶述:「喺錄緊《留一天與你喘息》時,我哋已經決定咗用《Got U》嘅旋律,然後我哋上網聽下歌,聽完我就有啲諗法,T-Ma就話『Try it』,跟住就遞咗支結他畀我彈出嚟,錄咗入電腦,然後佢再砌啲嘢上去。」

他又大讚T-Ma很擅長這類曲風,故他們很快便完成了《Got U》的製作:「呢首係幾隨心但唔輕率嘅作品,喺好自然環境下生,然後有個Magic Moment促成呢個作品出現。」故Ian也多了編曲人的身份,在音樂路上的發展更見全面。

    點擊圖片放大
    +7
    +6

將會再推出新歌

Ian還透露在《Got U》過後,於演唱之前,將會推出多一首個人作品。

他說:「今年嘅第3首歌喺拍攝《Got U》MV期間已經開始錄音, 所以如無意外會喺演唱會前會有多一隻歌出現。」

Ian又指新歌是其很喜歡的作品,令人非常期待:「寫完新歌嗰日都 幾興奮,返到屋企沖涼又聽,臨瞓前又聽,我好期待,希望大家都期待。」他亦表示,新歌跟《留一天與你喘息》及《Got U》截然不同,除了作曲以外,他還有參與填詞及其他部份,但詳情將會稍後慢慢揭曉。

撰文 : TOPick柴犬出動