【霸氣情歌】曾為陳柏宇寫歌當結婚禮物  林奕匡重唱回憶兄弟情

娛樂 17:10 2022/06/16

分享:

分享:

林奕匡翻唱陳柏宇歌曲。

唱作人林奕匡(Phil)除會唱別人的歌,更會cover他為其他歌手創製的歌曲,繼姜濤的《Dear My Friend,》及葉巧琳的《難道我還未夠難》後,Phil最新作便揀中了由他作曲、好兄弟陳柏宇(Jason)的《霸氣情歌》。

《霸氣情歌》於2017年推出,是當年Phil送給Jason的結婚禮物,所以今次的cover份外有意義。「我5年前寫俾Jason去唱,當係一個結婚禮物,我覺得係一件都幾正嘅事,好Sweet!」揀中此曲來cover,更因為罕有,Phil指:「我咁耐以嚟少有唱過俾大家聽,可能只唱幾句、少少demo咁樣…」

深情演繹。

儘管是首cover song,但Phil也不只是「齋唱」,除了在編曲上花心思,更加入極個人特色的色士風演奏進曲中,感到耳目一新!Phil笑說:「我希望有一種唔同嘅感覺,好似隻歌嘅拍子原本係4/4,今次轉咗另一種拍子;另外自己想做acapella多啲嘅elements、好多和音咁,既然係比較personal版本,不如再加Saxophone落去啦!我啲音樂就係有一種隨心,想加就加落去,效果幾好,希望大家都會鍾意呢個版本啦!」

加入色士風演奏。

Phil cover的《霸氣情歌》footage亦剛新鮮上架,他以Live形式演繹,加上他在中段的色士風演奏,獲不少樂迷支持,有樂迷留言稱希望聽到Phil可cover以往為Jason創作的歌曲,包括《別來無恙》等,樂迷的意見如同為Phil打了一支強心針,十分具鼓舞性。

Phil坦言,唱cover song揀歌時也帶點私心:「我不嬲都有去cover下別人嘅作品,自己都有私心嘅,既然唱人哋作品,不如唱首自己寫俾人嘅作品。」

最新影片:黃婉華訪問

撰文 : TOPick柴犬出動