【聲夢傳奇】炎明熹隔空跟After Class元宇宙開騷 鍾柔美指Gigi爆紅後性格不變

娛樂 09:48 2022/06/17

分享:

分享:

聲夢三小花。

女團After Class四位成員炎明熹(Gigi)、姚焯菲 (Chantel)、詹天文(Windy)、鍾柔美(Yumi) 合體出席Yahoo Metaverse -《After Class玩轉元宇宙》節目將於今天中午(17號)正式播出。節目內,After Class四位成員搶先登入元宇宙舉行音樂表演及粉絲見面會,突破時間地域以及創意界限!

現正於湖南參與歌唱綜藝節目《聲生不息》的炎明熹,忙於練歌及錄影,與一眾團員已經多月未見,Gigi透過今次活動的元宇宙舞台,與團員合體,別具意義。

After Class四位成員親自操控著按照她們外貌設計而成的虛擬化身(avatar),於元宇宙內與歌迷互動玩遊戲,亦分享個人近況。After Class成員更獻唱《要為今日回憶》、《原來談戀愛是這麼一回事》、《Breakin’ My Heart》三首歌曲,初次登錄元宇宙的四位成員更興奮、主動地帶領歌迷運用元宇宙功能做動作,為表演應援。

    點擊圖片放大
    +4
    +3

Gigi掛念團員及香港粉絲

炎明熹(Gigi)表示:「我喺湖南同一眾前輩們參與歌唱節目,真係非常榮幸,亦都好開心大家鍾意我嘅表演。我人在內地,有一段時間冇見過3位團員同埋香港粉絲,好掛住大家。今次Yahoo喺元宇宙舉行活動,我哋幾個可以透過網絡見面、合唱、跳舞,同粉絲玩遊戲,好開心。」

鍾柔美笑言Gigi唱歌保持水準之餘,仍然保持一貫「實力」:「我哋有睇Gigi《聲生不息》表現,個節目好好睇又好好聽。本來以為Gigi去到新環境,同咁多前輩歌手交流合作,會變得成熟穩重啲,點知佢繼續係咁火星人,在元宇宙同fans玩遊戲嗰時,成日亂咁指揮。不過有佢氣氛真係又再升級,希望佢一路都保持住呢個搞笑嘅水準。」

最新影片:黃婉華訪問

《聲夢傳奇》第2季近日開播,姚焯菲面對一眾年紀比自己更小、由《聲夢JUNIOR》殺入《聲夢傳奇2》的師弟妹時,立即以15歲之齡榮升「師姐」。「歌手要嘗試不同造型,保持新鮮感。之前嘗試比較成熟嘅造型時,其實我都有啲擔心,不過出到嚟嘅效果同埋反應都ok。我問Yahoo可唔可以畀我繼續用元宇宙活動嗰個avatar?因為做得好似,如果可以繼續用的話,會用佢試吓啲新嘅、突破啲嘅造型﹗」

    點擊圖片放大
    +5
    +4

詹天文亦想以avatar嘗試古裝造型:「我推出新歌《愛情許可證》,是明朝宮廷背景《尚食》片尾曲,一路都想試着明朝古裝去唱呢首歌,在元宇宙變身好方便,仲可以做多個男主角許凱嘅avatar,同我一齊唱或者拍個元宇宙MV!當然可以試吓聯絡許凱,如果可以同佢喺元宇宙或者同佢真人合唱就最好啦!」

撰文 : TOPick柴犬出動