【聲生不息】Do姐現身稱葉蒨文零架子 單依純唱《為你鍾情》獲克勤大讚:冇得輸

娛樂 18:08 2022/06/19

分享:

分享:

《聲生不息》

TVB節目《聲生不息》於今晚(6月19日)繼續是「合作獨唱大混戰」,今集輪到千嬅隊主場,兩隊「長勝將軍」葉蒨文(Sally姐)及李健會進行終極PK,以《情人知己》PK《水中花》。

Sally及李健分別找來鄭裕玲(Do姐)及林子祥(阿Lam)打氣撐場,Do姐受訪時透露當年以主持及司儀身份與Sally合作無間,二人成為無所不談的好友。

Do姐並大讚Sally為人零架子:「佢唔會覺得自己係大明星,每次見到佢同人人都係好好相處。佢又開心啦,笑又笑得大聲,你係Feel到佢好爽朗。」

Do姐大讚Sally零架子。

與阿Lam放閃

而Sally則感激自己身邊有很多「入骨的好友」:「依家年紀咁大,仲可以識到咁多朋友,再加埋支持我咁多年嘅歌迷都好錫我,我好感激。」

演唱完畢後,Sally被問到現在最好知己是誰時,即豪爽地回答是阿Lam,令後台的老公忍不住甜笑,Sally說:「我不是想肉麻,但阿Lam就是我的家人、也是非常好的朋友,有很多的了解。」

談到李健找來阿Lam為演唱歌曲《水中花》開首唸古詩,Sally即熱情問現場觀眾有沒有聽出老公的聲音,並俏皮表示老公從來沒唸過古詩給自己聽。

Sally盡展寶刀未老的天后級實力。

單依純表現出眾

上集獲克勤大讚是「歌唱天花板」的單依純,獻唱張國榮(哥哥)《為你鍾情》,《為你鍾情》乃哥哥同名專輯的其中一首經典作品,當年哥哥更首創了香港第一張白色唱片-「白膠碟」,開創顏色唱片發行先河。

單依純坦言喜歡歌曲的細膩感:「很動人,包括歌詞、張國榮老師唱得很真摯。」她獻唱完畢後,後台的前輩歌手們讚不絕口,李健指她是「下一屆天后」、阿Lam讚她唱出「第二種味道」。

至於克勤則謂:「細節太好了。佢綵排已經好聽,如果綵排80分,今日現場唱係90分,無論對任何人都一定唔會輸。」

3 筆筆拉票時笑言最好「你一半,我一半」,令依純直豎拇指。

依純事後在台上坦言:「我很有衝動唱這首歌,因為愛情就是衝動的。」後台的克勤聞言即爆笑接招:「愛情是衝動的,結婚不是!」

選唱彭羚冷門作品的「筆筆」周筆暢,除喜歡《你一半我一半》歌曲的熱血及青春感外,亦透露由於有份創作歌曲的梁翹柏看著她長大,亦有感對方是港樂重要代表入物,故希望能透過獻唱其作品,讓翹柏在節目中「出現」。

克勤solo黃凱芹金曲

上集克勤與單依純合唱,今集克勤solo演出,演繹黃凱芹的《雨中的戀人們》。

由於是獨唱關係,所以這次克勤從編曲上着手,「比賽前一個禮拜,我特登去咗琴鍵手Andy住嘅酒店房,一齊傾吓對隻歌嘅睇法。其實Andy係以前同我做開海外演唱會,或者我自己演唱會tour嘅琴鍵手,所以基本上大家都好有默契。」

克勤提到重新編過的《雨中的戀人們》當中有幾個特別的地方:「最後我哋溝思,用咗好多《深深深》嘅元素,擺咗落去呢首歌鋼琴部份,《深深深》呢首歌算係我比較早期有代表性嘅作品,希望可以引起觀眾嘅共鳴。」

他續指:「第二,我哋用咗一隻八十年代一首英文歌《Raining days never say goodbye》擺落首歌的music break;最後,用番凱芹嘅歌《傷感的戀人》當中的『風中雨點沾濕了身』作為表演結尾,作出一個首尾呼應嘅感覺。」

以多首歌曲的旋律加入比賽歌曲中,再重新演繹,可以克勤在編曲上的確花上不少心思。難怪最後《雨中的戀人們》奪得「最佳獨唱歌曲獎」。
 

 

最新影片推介:趙希洛專訪

撰文 : TOPick柴犬出動