【父子情】爸爸性格風趣愛搞爛gag 兒子嫌失禮爸爸離世後方後悔不已

親子 10:35 2022/06/21

分享:

分享:

爸爸愛搞笑,兒子要到父親離開才學懂珍惜爸爸。

樹欲靜而風不止,子欲養而親不待。有網民早前在父親節當日發文分享「老豆既(嘅)尷尬行為」,家中有位風趣幽默,喜歡搞笑的父親,經常在陌生人冷不防講「冷笑話」。不過,發文的兒子起初對此不太受落,因覺得父親的「爛gag」令場面尷尬,失禮自己,於是越是年齡漸長,就越抗拒陪同父親外出。

直至上月,父親離世,兒子才後悔當初,深感自己以往不孝,「成日嫌棄佢,冇好好關心佢,冇多啲陪佢,冇同佢影多啲相留低啲回憶,依家連同佢講父親節快樂嘅機會都冇了。」該網民呼籲,希望大家父親節陪伴家人多一點,「唔好好似我咁無咗先珍惜」。

網民在連登討論區以「老豆嘅尷尬行為」為題發文。他表示,父親經常喜歡講冷笑話,而且還是在陌生人面前講。其中包括他有次帶女朋友回家,「一開門,我老豆就勁大聲喝住我女朋友,問佢做咩收埋把刀係身度,我女朋友嚇到就喊,即刻舉高雙手好似投降咁,答我老豆:冇啊Uncle」。原來事主的爸爸又想搞「食字爛gag」,面帶微笑說「少女藏刀啊嘛」。

「中招」的還包括樓主胞姐的男友,他曾與「搞笑爸爸」喝早茶,爸爸則問對方職業。姐姐男友則答稱,自己剛剛畢業。爸爸見狀立刻「發功」,「好認真咁細細聲問佢,你好人好姐做咩唔好點解要走去做賊啊仔」。姐姐男友隨即目瞪口呆,爸爸則不慌不忙,一本正經地說:「你偷左我女個心啊嘛。」

最新影片推介:

爸爸可謂不放過任何一個搞笑機會,樓主又補充,有一次二人一同外出吃博餅,爸爸發現裝薄餅的底盤,有個手柄,酷似乒乓球拍,「食完佢係咁捉住啲𡃁妹Part time(兼職侍應),問人地打唔打乒乓波」。

不過,樓主對爸爸的幽默,則毫不欣賞,坦言每次出街,父親經常向陌生人搭訕,令他非常尷尬,「愈大愈抗拒同佢出街」。

然而樓主話鋒一轉,提到原本計畫今年父親節與他外出食飯慶祝,可是一切已變成回憶,「老豆上個月尾走咗了,第一年過無佢嘅父親節,覺得自己好不孝,成日嫌棄佢,無好好關心佢,無多啲陪佢,無同佢影多啲相留低啲回憶,而家連同佢講父親節快樂啲機會都無了」。樓主呼籲其他網民要多陪伴及關心家人,「唔好好似我咁,無咗先珍惜」,並以文字告慰父親在天之靈:「爸爸,父親節快樂,你辛苦了。」

    點擊圖片放大
    +5
    +4

帖文引發不少網民感觸,有人表示「笑笑下睇到想喊」;「你爸爸簡直係散播歡樂散播愛,而家係天堂身邊啲人一定日日都好happy」;「好老尷但feel到好有愛」;「最尾睇到眼濕濕」;「精神長存我哋心中」。此外也有人叫樓主振作,要好好生活下去,「記得繼承老豆呢份幽默感」;「爸爸在天之靈一定好欣慰,要好好過生活」。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

免費【呈分試急救班】立即報名:https://bit.ly/3sFJRE8

【名師試題教室】睇片連工作紙  中英數必學單元:https://bit.ly/3sEeM3Q

責任編輯:王明芳