【飄流教室】古巨基+Edan首度合作 柏安妮女兒許恩怡合演那些年

娛樂 14:26 2022/06/22

分享:

分享:

古巨基邀Edan合作。

古巨基今日推出其《I Really Love To Sing》合唱專輯第一炮,請來呂爵安(Edan)合作打頭陣,合唱《飄流教室》。MV女主角則邀來80年代女神柏安妮的十七歲女兒許恩怡(Natalie)擔任。
 
基仔於2003年奪得「叱吒樂壇我最喜愛的歌曲大獎」後,他在頒獎台上留下一句經典金句「我真係好鍾意唱歌……」,基仔表示《I Really Love To Sing》企劃便是源自這句話,「真情流露的一句說話,亦都係心底話」。基仔表示已有幾年沒有推出唱片。

這個project以「我真係好鍾意唱歌」為題是因為他覺得音樂市場即使比以前辛苦,但仍然有很多很努力的歌手和音樂人繼續唱、繼續為夢想而努力,「而我自己亦係其中之一,所以呢個project就咁樣命名。今次邀請咗唔同曲風嘅新晉歌手一齊去完成呢個project,係一個全合唱嘅專案。」

扮演學生哥。

至於邀請Edan合作的原因,基仔謂:「《飄流教室》當年冇被成為主打,所以今次project好想搵一個心儀嘅人去同我一齊唱呢隻歌。今次新編曲好classy,配古典鋼琴。上次睇Mirror個show,Edan自彈自唱令我好深刻,所以我就覺得非Edan莫屬。」

Edan亦受寵若驚,「真係好開心今次呢個合作。從來冇諗過,當初好記得花姐同我講:『喂!古生話想搵你合唱喎,你肯唔肯呀?』嘩!梗係好啦!因為未試過同一個大前輩合作,同埋我細個都有聽古sir嘅歌,所以我覺得呢件事係好神奇。」他更表示錄音期間「學到好多嘢」,「古sir每一次都會嚟監製我嘅錄音,俾咗好多指導我,舒文監製都係,所以令到我對唱歌多咗好多諗法。同埋古sir真係好貼心,我問佢啲乜佢都好樂意去教我、幫我,所以好多謝佢。」

許恩怡演出。

而基仔在回憶二人在錄音室時的點滴,對Edna讚不絕口,「我記得佢話知道自己唱歌未必係最好,所以只要有其他唔同嘅機會,佢一定會好願意同埋俾心機去試!係一個好謙虛、好勤力嘅藝人。喺錄音過程裏面,我發現Edan喺假音上係好好,擁有一把好靚好滑溜嘅假音。」
 
MV其中一幕,講述Edan跟心儀的許恩怡(Natalie)去基仔於CD舖所舉行的新碟簽名會,Edan笑說:「今次感受到『前夫』嘅感覺,即係陪個女仔嚟見自己嘅偶像。」

而基仔則演回本尊,當他一踏進CD舖,回憶立即番晒嚟,「見到啲海報、自己啲碟,就諗起好耐冇做簽名會!好懷念。」基仔覺得這個MV很有穿越感,「MV呢幕講番2012年《告別我的戀人們》呢一隻碟出嘅時候,我特登整番嗰個髮型,連件褸都係搵番當時宣傳嗰件褸,(Edan:真㗎?)我仲着得落!即係冇肥到!哈哈。」

基仔又分享到達拍攝現場前的一件小趣事,「因為穿越關係,出呢隻碟嘅時候我係未結婚嘅,頭先一落車嘅時候,古太同我講:『喂!你除咗隻戒指佢先啦!你嗰陣時未結婚㗎。』咁我就除咗啦,哈哈。」

最新影片:

撰文 : TOPick柴犬出動