【十八年後的終極告白2.0】趙希洛透露臨終戲三大難度 Candice投入演出落力赤腳跑山

娛樂 13:50 2022/06/23

分享:

分享:

《十八年後的終極告白2.0》於明天(6月24日)迎來大結局,劇情愈趨緊張,昨晚(6月23日)播出的《十八年後的終極告白2.0》第18集更引爆高潮。

除Jason(陳山聰飾)易服癖及瘋狂面曝光外,「復仇人妻」Joyce(趙希洛飾)昨晚亦「領便當」遭刺殺身亡。

劇情講到Joyce與徐友齊(何啟南飾)在山上纏綿時,突遭神秘人襲擊,徐友齊慘死,Joyce則在荒山野嶺上演大逃亡,穿着內衣的Joyce赤腳狂奔、一度匿入草叢,相當緊張!最終Joyce遭拖行並被利刀桶死,十分慘烈!

最新影片推介:趙希洛專訪

赤腳跑山

是次角色對希洛來說絕對是演技大考驗,先是睿智賢淑女強人,及後因連番小產及得悉老公Jason偷食,魔性大發不擇手段進行復仇大計,集痛恨、痛苦、瘋狂、奸險及不擇手段等特質於一身。

昨晚Joyce滿臉慌張匿入草叢一幕更是看得觀眾相當緊張肉緊。希洛事後受訪亦坦言該場戲相當不簡單。

第一大難度是「堅赤腳、零保護」:「拍嘅時候有諗過黐啲嘢喺腳板底度(保護),但後來發現黐咗咩都冇用,都係會甩,所以最後真係赤腳跑。好彩拍嗰時練緊跑步,所以跑方面算比較輕鬆。」

第二大難度是挑戰環境惡劣的飛鵝山,希洛說:「當晚好大霧、又凍又大雨、草叢又多昆蟲,所以都好驚。不過當你投入咗角色,就咩都睇唔到,淨係諗點做好場戲。」

    點擊圖片放大
    +11
    +10

考驗情緒處理

第三大難度則是Joyce的情緒處理,希洛說:「同山聰終極告白呢段對話,因為要望住一個好愛、好熟悉但同時又好陌生嘅人講番一啲對方同自己講過嘅嘢,所以都難Handle,我自己都有加啲覺得有用嘅對白入去。」

她續指另一場Office戲,亦是她既喜歡又難忘的場口:「『問大家食唔食飯』嗰場戲望落好簡單,但其實大家都憎到大家入骨,表面上又要做到好愛大家咁,一擰轉頭就變晒面。」

談到有網民覺得Joyce復仇去到咁盡有點不合理,希洛則直指因Joyce情緒陷入了谷底,故此易偏激:「我喺Joyce角度諗,一生之中最愛嘅男人出賣咗佢,令佢人生所有嘢好似幻滅晒咁,冇咗BB、家庭同老公,冇咗人生希望、冇咗事業,因為事業都係同呢個男人一齊經營。」

她續分析角色心態指:「當佢人生所有嘢都冇晒,佢只能用盡方法令到個心好過啲,所以做出喺人哋眼中唔理智又唔係咁合理嘅行為。」

    點擊圖片放大
    +6
    +5

撰文 : TOPick柴犬出動