【MIRROR成員】應邀到鄭中基節目做嘉賓自認硬頸 姜濤激到花姐食藥降血壓藥感後悔

娛樂 12:05 2022/06/24

分享:

分享:

鄭中基(Ronald)近日邀請了MIRROR成員姜濤到他的自家YouTube頻道《機動電視台》玩「真心話大冒險」的遊戲,近期電影一部接一部的姜濤趁機向前輩鄭中基請教演戲技巧。

姜濤更自爆最近因為太硬頸而與經理人花姐(黃慧君)吵架,令對方要服用降血壓藥深感後悔。

【元朗停電】MIRROR粉絲以燈牌應對元屯天停電 暖心Ian:Please Stay Safe

最新影片推介:趙希洛專訪

【MIRROR成員】姜濤忙裡偷閒遊紐約 美國姜糖租飛機拉橫額飛越自由神像應援

「同母異父」兄弟

由於Ronald與姜濤都曾經飾演毛舜筠(毛姐)的兒子,他以「同母異父」的兄弟來介紹跟姜濤的關係。隨即便開始二人的「真心話大冒險」環節,大冒險的懲罰是抽取不同語氣讀出HPV的小資訊。

在問答環節中姜濤多次表示自己是Ronald的影迷,雖然不想用「由細睇到大」來形容,但直言早在入行前已經非常喜歡對方的電影,看到Ronald演繹他的經典角色,姜濤更表現得極為興奮,又期望有日二人能夠在電影上合作。

姜濤被問到若果當年沒有參加《全民造星》,現在會做些甚麼,他透露入行前是讀Sport coaching,加上他很喜歡小朋友,所以會想做小學體育老師:「個時乜嘢運動都玩過,攀石、游水,全部都想考證但都考唔到。」

    點擊圖片放大
    +8
    +7

【MIRROR成員】鏡仔今夏演出東京音樂祭 12子上Summer Sonic與BKPP+HYDE同場

與花姐嗌交

被問到自己最大的缺點,姜濤直言:「一定係硬頸,我會硬頸到完全唔聽身邊人意見,對於自己唱歌或表演,可能件事係錯嘅但我都想做落去,如果唔係我就會後悔,會成世記住我無做多件事,所以好多時候都好硬頸嘅,有時的確出到嚟個效果無咁好。」

Ronald以歌手前輩的身份表示認同姜濤的執著:「我覺得做藝人某程度上要有份堅持。趁後生個時可以慢慢硬頸,一路從你嘅經歷就會學習到,所以硬頸其實唔係錯嘅。」而姜濤亦坦言自己在努力找平衡點。

    點擊圖片放大
    +5
    +4

當問到近期最後悔的一個決定,姜濤表示近期因事跟花姐在電話中吵架,令他非常後悔:「佢真係激到好嬲,我諗呢幾年佢無諗過同我鬧交鬧得最勁,個件事我係好後悔嘅。識佢到而家最甘嘅一次,甘到我聽身邊人講話佢要食啲高血壓藥,所以我聽到呢件事之後好後悔,覺得唔應該同佢嘈。」

Ronald則安慰他,指事件已經過去,並相信花姐看到節目播出會理解他的心情。

向演戲前輩取經

其中一題Ronald要求姜濤:「請示範如何令我成為姜糖。」姜濤謙虛地指會誠邀對方看他的MV,當Ronald問他:「你啲戲呢?」姜坦言對自己演戲沒有太大信心:「聽到啲人話我係歌手、演員,但我真係唔覺得自己係演員,因為我覺得無咁輕易可以成為一個演員。」

    點擊圖片放大
    +8
    +7

接著當姜濤有機會向演戲的前輩Ronald請教,他提到最近得到較多的演戲機會,但發現NG重來時,情緒很難歸零重來。

Ronald以過來人經驗分享:「其實唔使歸零、重新再來,我會加減啲野,令自己覺得有新嘢、有嘢未講,每個take都可以去試唔同嘅嘢俾個導演揀。」

撰文 : TOPick柴犬出動