【J2新節目】J2ers開箱兼實測網購神器 何沛珈贏群組管理員名銜

娛樂 17:03 2022/06/24

分享:

分享:

J2於今晚(6月24日)首播的3個全新節目,包括︰林溥來(Patrick Sir)主持的《呢鋪開乜︰開卷》、《無心睡眠》、由梁諾妍與一眾J2ers挑戰險山險水的《意外步出》、《J2ers︰不正常愛情研究所》。

明晚(6月25日)9點半及10點半J2 Naughty則將會有由郭偉亮(Eric Kwok)和方力申主持的《鋪鋪Poker》、《揾鬼同你瞓》。

最新影片推介:趙希洛專訪

J2ers「開箱」

昨晚(23日)首播的《J2ers:Blah Blah BLAH 試新室!!》,由6位J2ers胡敏芝(Karen)、黃嘉雯(Carmaney)、林沚羿(Venus)、馮子亮(Liam)、陳國麟(Doniven)、何沛珈(Roxanne)主持。

他們搜羅網上各種產品,在電視箱前「開箱」,輕巧如化妝品、衫褲鞋襪、潮牌手袋,重型如電子產品、電競型電腦產品都有,得定唔得J2ers都會幫你以身試伏,有嗰句講個句。

主持大比拼

6位主持被突擊問問題,第一題「MSW」點解已難到很多人,只有Karen答到「冇所謂」;第二題「2022年最新港鐵站」叫咩名?就係人都知會展站。不過最後一題「香港最新Boardgame主題館」喺邊,沒有一個J2ers識答,全部貼上「fail」貼紙。

而6名J2ers在以身試伏之前,他們同意以「新丁試新things」為口號,訂定規距,包括︰ Don Don不准講鹹濕嘢、Liam不准遲到、唔准講廢話、講真話,試真啲試新啲,最後selfie留存。

入到戲肉每位主持要獻上自備推介精品比拼,分別有除餸漬濕紙巾、一人洗衣機、有點hea的相機、打機專用mouse、唱歌咪同小型夾萬。最後由護士出身的Roxanne介紹的洗patpat神器勝出,她同時贏得群組管理員的名銜。

    點擊圖片放大
    +5
    +4

Liam測試神器

Liam獲委派以血肉之軀試感受。眾人起哄去到廁所直擊,在廁格內的Liam,起初對神器都表示可以接受,話「係較難搵位同埋凍水有啲唔舒服」。但當調到最高段速時,Liam面容扭曲大叫話「high speed一秒都唔得,太衝擊。」

事後大家對神器投票,結果是「不了」有3位、「有feel」2位,Liam以過來人表示覺得用後衛生,而Karen提出重點是神器沒有加溫裝置,所以大打折扣。

撰文 : TOPick柴犬出動