【全民造星IV】Strayz成軍後首個公開演出 懷感恩心情踏上舞台

娛樂 16:27 2022/06/26

分享:

分享:

由《全民造星4》幾位參賽者趙展彤(VAL)、黃斯琪(CK)、何榛綦(榛綦)、曾家瑩(Ariel)及林暐翹(暐翹)自資組成的女團trayz,於昨日(6月25)首度成團後齊在公開場演出。

幾位成員的心情都十分興奮,為這次演出更做足準備,窩心的5人更自備禮物送Fans,反客為主冧爆Fans。

解釋隊名意義

Strayz隊名源自「Stray(流浪)」一字,象徵隊長VAL、副隊長CK、暐翹、榛綦及Ariel 5人是一班流浪的小朋友。以「流浪」形容自己,VAL解釋道:「我哋冇簽公司,自資做自己想做嘅音樂,因而得名。」

昨日,5人以女團身份首度出Show,參與《TIME’S UP Live》,演繹《#A5110》、《純孩兒》及《Stray》3首作品,其中《Stray》更是他們即將推出的首支派台歌,於派台前讓觀眾先聽為快。

懷感恩之心上台

首度以Strayz名義演出,大家都既開心又期待,眾人更十分重視這次演出,特地於演出前3星期將歌曲重新編曲,再加以練習。

CK表示:「得知有演出機會嘅時候,當下好興奮係真嘅。雖然籌備演出時遇到唔少困難,但我哋都有準備好自己,亦有勤加練習,希望做到最好,同時亦希望每位成員演出得舒服,觀眾又睇得開心。」

CK更指,他們都是懷著感恩的心情踏上舞台,這次演出拼盡全力。

而首度演唱《Stray》,暐翹坦言十分期待:「因為首歌對於我哋嚟講意義好大,當中所有歌詞嘅意思都係我哋想表達嘅Message(訊息)同感受,所以想用好真誠同開心嘅感覺去唱俾大家聽。」

Ariel情急智生

不過在昨晚的演出中,Strayz在準備唱第二首歌時,現場出現了技術問題,一直未能開始演唱,Ariel隨即情急智生,在台上以爛gag當笑話,與VAL一唱一和,成功帶動了現場氣氛。

事後暐翹笑言:「Ariel係我哋嘅笑話擔當,我哋平時相處都係咁樣。」Ariel則繼續搞笑道:「其實係Plan咗有個位俾我講笑,所以唔使擔心。」

而處女演出過後,VAL坦言剛開始時略帶緊張,她說:「唱第一首歌時係有少少緊張,跟住第2、3首歌就放鬆晒!」Ariel也指見到朋友在台下不停在拍她,看到熟人的她心情也變得輕鬆起來。

而CK則道:「我在《純孩兒》時有啲尷尬,因為有啲位我冇乜得唱,行行企企,但因為好多Cam(攝影機)對住我,就諗住擺甫士,但擺極都唔啱,好在跟住第3首可以郁動多啲,令我真係釋放!」

點擊圖片放大
+5
+4

被粉絲感動

對於Strayz的首度登場,CK只俾自己60分,因為她覺得可以做得更加好,Ariel則表示要睇Playback才知表演如何,但感覺上,應該可以有70至80分。

而台下Fans熱烈的反應,都教眾人十分感動,特別是VAL,她說:「見到台下好多燈牌,好開心,好想完Show即刻出去搵佢哋!」

暐翹又透露,為了答謝Fans的厚愛,她們特別為Fans準備了小禮物,她說:「榛綦係我哋嘅廚藝部,佢整咗曲奇,再加埋我哋做嘅心意卡,送俾Fans。」平時只見Fans推出應援撐偶像,但Strayz卻自製禮物送Fans,夠晒反傳統呢!

最新影片推介:曾展望專訪

撰文 : TOPick柴犬出動