Nowhere Boys開騷優先訂票熱烈 五子籌備七年心血大晒冷

娛樂 13:28 2022/06/27

分享:

分享:

Nowhere Boys將開騷。

樂隊Nowhere Boys將於7月23日在旺角麥花臣場館舉行《 “Know Where to Go” 音樂會 2022》,上周於Telegram粉絲優先預購反應熱烈,現宣布後日(29日)起於Cityline公開發售。

尚有三個星期開騷,Nowhere Boys 五位成員,除了綵排練歌,還為台上視覺效果設計緊密開會,隊長兼主音Van透露今次歌單和舞台氣氛交由鼓手Nate主理。

7月23日在旺角麥花臣場館舉行。

他指:「Nowhere Boys每次演出歌單都由Nate負責,今次仲會配合埋台上巨型Video Wall,有山有海,有過去有未來,總之好多好靚好特別嘅影像,配合歌曲,帶動全場氣氛。」結他手Ken表示:「我哋夾咗咁耐已經好有默契和感情,Nate今次重任係建立我哋同觀眾嘅感情。」

得到隊中所有成員的信任,Nate表示好開心,說:「我哋期待呢個騷好耐,可以話籌備咗接近7年。過往由觀眾主導我哋rundown,但今次由我話晒事,帶大家去宇宙旅行。所以我想設計一款好似旅行團導遊用嘅旗仔,讓觀眾更投入主題,跟住我去旅行,咁就唔會走失。」至於舞台下則由Van做領隊,照顧樂隊的創作和夾band進度,勞心勞力。

五子花了不少花機。

此外,過往Nowhere Boys開騷的周邊產品都大受歌迷歡迎,Van說:「除過往都有嘅tee、袋和毛巾,仲有好多特別為今次演唱會設計嘅紀念品,稍後陸續公布。」

最新影片:曾展望訪問

撰文 : TOPick柴犬出動