【林家謙演唱會】出海拍照船家都撲飛 推IG遊戲換領限定海報道具

娛樂 13:46 2022/06/27

分享:

分享:

林家謙拍了過千張宣傳照。

林家謙今年夏天終開個人紅館演唱會《SUMMER BLUES 》!昨晚家謙於個人IG率先公佈消息,個唱定於8月24至26日,地點寫上紅隧傍,十分搞鬼。 

一班圈中友好如林一峰,陳凱詠、 陳蕾、黃淑曼、黃偉文、少爺占、何雁詩、林欣彤、Robynn Yip、林奕匡、藍奕邦等等紛紛留言恭賀,好友Tyson yoshi留言:「好熱哩」。而Serrini留言:「一演唱會十張海報你set到個standard好高。」有網民叫Serrini下次大佢,一影影20張!

早前林家謙為演唱會拍攝海報,當日34度高溫下,大隊於一個梟無人煙的海邊,流著汗餵著蚊濕住身穿梭大海及樹叢之間,用了近8小時拍攝。

大隊於一個梟無人煙的海邊拍攝。

林家謙配合造形,穿上不同的外套或毛衣,神奇地整日林家謙完全不溫不火,外星人一樣,不覺流汗,他笑道:「,還好喎,唔知點解,我都幾熱得喎。哈哈。」

拍攝之間,偶有玩水上活動的朋友經過,一發現是林家謙即大叫,然後一路等家謙上岸回來影合照,連幫忙拍攝的船家都忍不住問:「林家謙你係咪開演唱會呀?我要買飛呀,幫我買飛呀....我個女勁鐘意你。」家謙當時因為消息要保密,唯有笑著亂答:「 哎也...佢知我地影演唱會海報呀,佢R飛呀,咁點呀? 哈哈....唔知呀....出年啦.....多謝你。」

濕身穿梭大海及樹叢之間拍照。

影了近千張照片,林家謙問:「咁多點揀,唔捨得唔用,可唔可以用曬?」最後一向破格的他,揀了十張照片出來做海報,他昨晚已於IG上公佈其中兩張,並說餘下有8張,今日(27號)早上5時開始於全港不同巴士站出現。

歌迷可拍低發布IG STORY,集合一個Highlight ,儲齊10 張 convert to reel再tag林家謙 ,有機會得到十張海報中限定道具。林家謙自己今早就於IG STORY率先post了自己第三張海報,寫上:「阿叔訓唔著出去食早餐見到,其餘靠(repost)你o地啦。」謙迷們快點去影,影完記得 TAG@terencelam0903

最新影片:曾展望

撰文 : TOPick柴犬出動