【音樂會】8組女性音樂單位聯手開騷 雷深如:女生可以很強大

娛樂 17:29 2022/06/27

分享:

分享:

集結8組女性音樂單位演出。

近年不少女音樂人湧現,可兼顧不同崗位,更能獨當一面。集合8組火紅女性唱將音樂會《The Ladies In Red》,便邀來8組音樂女單位,一連兩晚show off她們各自獨有的音樂世界。

創作總監的康家俊康家俊說:「《The Ladies In Red》源自Chris de Burgh〈The Lady In Red〉一曲,歌曲是對女性美麗又自信的讚美,但『Red』一字,在這次音樂會中,更有『火紅』的音味,今次找來的8個單位,都是香港現今樂壇中火紅又出色的單位,很想藉著這次演出,讓更多人認識她們。」

兩場音樂會演出單位分別有CHOR鍾楚翹、FIESTER、Jamie章尾而、雷深如 J.Arie、Anna hisbbuR、CHANKA 陳嘉、iii及WHIZZ。

J.Arie是演出單位之一。

身為女性,各人都有不同的感受,CHOR指出道:「我都鍾意自己女仔身份,雖然好似成日會有麻煩嘢,但做男仔都會有自己麻煩嘢,所以都會欣賞自己係女生。」

iii則有不同看法,她說:「我哋每個人都唔可以選擇自己嘅出身,嚟到世上先知係男定女,所以我會Focus睇返身為一個人喜唔喜歡自己,學習點同自己相處同愛自己,呢個係一生人嘅課題。」

面對著女生的身份,Jamie道:「我本身唔在乎人哋對我嘅批評或眼光,如果對我好,我會吸收、攝取,但純粹只為發洩,我就會Bye Bye!」WHIZZ的主音王雨山說:「如果係表演就會好在乎,會預備自己做到最好,如果平時出街或交流,我就唔係好理人哋點睇,因為只有表演時你先需要focus到我身上,日常生活想做返自己。」

身為表演單位之一的J.Arie表示:「而家女性比以前更夠膽做一啲out of外界認知範疇的事,例如女生音樂唔只限於情歌,楚楚可憐,扮演受害者,我哋都可以好強大,追求自己覺得啱嘅嘢。今次8個單位,各自有好鮮明嘅Direction(方向),以Band為例,以往女仔Band香港好少,而家有好多,今次就有FIESTER同WHIZZ,係一個好開心嘅局面,我都好想演出後留低睇Show。」

陳嘉也十分認同:「大家個vibe好唔同,音樂風格都好唔同種類,呢個音樂會應該好多嘢聽,我都好期待會欣賞到好多唔同嘅元素。」

樂隊WHIZZ。

今次多個單位將有不同的合作,Anna hisbbuR一聽到可以Crossover,即想起曾與她合唱〈Someday My Prince Will Come〉的陳嘉,搞笑道:「我同陳嘉講可以唱Blackpink,不過唔知呢,大家要買飛嚟睇!」 Anna hisbbuR更指,香港樂壇實在需要更多的聯乘合作,才可以有多一點力量。

為了今次音樂會,各個單位都有作出不同的準備,FIESTER的主音Alison笑言:「我哋會有兩個環節,一個係塑身,第二個環節係我哋會重新認識過去創作過嘅咁多首歌,因為都想試下用而家嘅心情,去聽返初出道時創作嘅作品,聽返原來有第二個感受。呢個都係我哋嘅學習過程,可以搵返我哋初心。」

最新影片:曾展望訪問

撰文 : TOPick柴犬出動