【飄流教室】邀呂爵安玩校園遊戲 古巨基被Edan踢爆返學追女仔

娛樂 12:02 2022/06/28

分享:

分享:

古巨基和Edan合拍《膠流教室》

古巨基與呂爵安(Edan)首次合作作品《飄流教室》,除日前釋出錄音花絮,昨晚(27日)播出二人聯乘拍攝特備節目《膠流教室》,一共四條片包括:飄流教室MV、飄流教室音頻版、飄流教室錄音花絮 、 及膠流教室都打入YouTube 影片trending 十大。

最新播出的節目《膠流教室》以教室作為背景,穿著校服玩遊戲。遊戲內容以兒時的小遊戲為主,包括:急口令、天下太平、掉粉刷、歇後語問答環節及爆旋陀螺等。
比賽開始前,二人各自分享校園生活,問到中學時代的戀情時,基仔表示唔會追女仔,Edan即笑問:「都係女仔追你嘅?」

二人十分老友。

基仔隨即反問Edan中學有否拍拖,Edan坦言只拍過一次。「好青春呢件事,因為我哋係同班,所以唔可以俾人知,上堂會偷偷地望佢,有種秘密感覺,都幾得意。」基仔續說:「我鍾意嗰個係低我一級嘅女仔,小息時喺走廊偷望佢經過,佢唔知。後來搵朋友嘅朋友去識佢。」Edan聽後又即時反應:「你又話冇追女仔嘅?」基仔隨即反擊,大笑道:「識朋友啫嘛!」

遊戲當中,以掟粉刷環節最為激烈,二人各有六個粉刷,輪流進攻及防守,目標是掟中黑板上的分數,二人認真作賽,毫不留手!過程中基仔其中一個粉刷,誤中Edan正面,食正「粉餅」!Edan隨即扮暈,基仔即上前慰問,二人捧腹大笑。

玩掟粉刷遊戲。

去到滴滴仔乒乓波遊戲,二人需要邊打乒乓波邊答問題。題目問到「鍾意隔離班個女同學,應該點表白?」,二人最初答「我愛你」「你好靚」「食飯吧」,Edan突然爆出一句「瞓覺吧」,基仔爆笑失守反問「瞓覺?」,Edan即解畫「喺班房伏喺枱面瞓覺」,非常搞笑。總結成績,Edan以總局數四比二成為《膠流教室》「學霸」。

節目尾聲,基仔再次多謝Edan今次攜手合作,大讚Edan是非常謙虛和勤力的年青歌手。「錄音時,就算一句錄好多次,要佢營造一啲表情,佢都係好樂意不斷再試。」最後二人希望可以在舞台現場演繹《飄流教室》,並且期待再次合作。

最新影片推介:曾展望專訪

撰文 : TOPick柴犬出動