【漸漸地】吳啟洋新歌MV登熱門影片第4位 「免費巴」Phoebus與粉絲遊巴士河

娛樂 19:24 2022/06/28

分享:

分享:

日前,P1X3L成員吳啟洋(Phoebus)推出首支全新派台作品《漸漸地》,MV推出後最高登上熱門影片第4位,有粉絲在MV影片下留言:「估唔到Phoebus的聲線咁好聽,以為佢只係sell外貌」,為答謝粉絲的支持,Phoebus與粉絲遊巴士河!

雖然在30度高溫下坐開篷巴士,Phoebus表示:「好興奮可以同粉絲見面,亦都係我人生第一次坐觀光巴士。原本個頭set得好好睇 ,諗住以最好嘅形象見fans,點知一開車,個頭已經亂晒。開蓬巴士原來係好大風仲要比fans影咗好多黑圖。」

感覺似玩過山車

掛滿Phoebus《漸漸地》横額的開篷巴士,由尖沙咀出發駛到九龍灣展貿中心,車程中主角拿起咪高峰與粉絲傾偈,更不少得合照環節。

令粉絲最興奮的時刻,當然是重演《漸漸地》 MV「挨膊頭」一幕,隔着口罩都感受到粉絲們的熱情。

Phoebus高興地説:「嗰日天氣好好,加上我哋係由黃昏搭到夜晚,路程中要經過唔同隧道,感覺好似玩緊過山車咁。好開心有呢㗎《漸漸地》巴士,多謝粉絲同公司比咗一個咁好嘅回憶比我。」

最新影片推介:曾展望專訪

 

撰文 : TOPick柴犬出動