【職場哲學】年輕時凡是聚會來者不拒 鄭丹瑞:年紀愈大聚會重質不重量

親子 20:00 2022/07/04

分享:

分享:

年紀越大,聚會重質不重量 。

「做人去到我哋呢個年紀,每次有聚會,我只揀嗰啲可以喺個聚會之間,無拘無束、無所不談,講完嘈完,所有內容都只會留番喺張飯枱上面,出到餐館門口,大家就會將頭先講嘅、聽嘅所有嘢,拋諸腦後,忘記得一乾二淨。」好事之徒在損友吹水聚會盡興之後,有感而發,卻說中了一眾損友的心事。

為事業打拼的日子,於是,不論生張熟魏,凡有聚會逢請必到、逢到必早,講公事,也講閒話,以為跟大家敞開心扉,無所不談,就能夠拉關係,建立人際網絡。只是,講完翌日,在飯局聚會中的一句無心說話,就會無端被誇大其詞、被誤會、被曲解,甚至被利用。

最新影片推介:

「唔係我講㗎,係阿旦講㗎!」不論有目的,抑或無心的以訛傳訛,製造了不少無謂的紛爭,還捲入人家明爭暗鬥的漩渦之中,浪費了很多精力去應付這些無聊事情。

如今人老了,雖然仍然要參加一些聚會,但已經開始懂得嚴選聚會的對象人選,如果是公事聚會,我會知道如何公事公辦,但如果只是聊天吹水、聯絡感情,當中有某些人要我在席間吹水的時候,小心翼翼、欲言又止的話,那我寧願選擇留在家中,跟老婆大人和女兒聊天。

「後生嘅時候,聚會係來者不拒,依家老咗,聚會重質不重量。」好事之徒一針見血,講出我們今天的心態,然後,大家又再繼續肆無忌憚地吹水。nia

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

撰文 : 鄭丹瑞