【母親的乒乓球】小演員欣禧具演戲天份 陳自瑤淡妝上陣演貼地好媽媽

娛樂 11:48 2022/07/04

分享:

分享:

《母親的乒乓球》

TVB《回歸光影頌》劇集系列一共有5個單元劇、及一套15集連續劇,在明晚(7月5日)播出由陳耀全(Andy)監製、冼翠貞編審的單元劇《母親的乒乓球》,主要演員有陳展鵬、陳自瑤(YoYo)、李欣禧、李爾晨及楊證樺等。

故事講述十歲的余卓穎(李欣禧飾)熱愛打乒乓球,並受到透過內地專才計劃來港的教練郭一(陳展鵬飾)賞識。

不屈精神感動女兒

本身表現卓越的卓穎因勝負欲過重未能承受挫敗陷入低潮,加上與母親芷昕(陳自瑤飾)溝通不足漸生隔閡,一度意氣用事揚言放棄打乒乓球,與母親及教練相繼產生矛盾。

最終芷昕憑堅毅不屈精神感動了女兒,卓穎亦因感受到母親及教練的愛護蛻變成更強大的運動員。

劇中為「博愛女一笑」挑戰打乒乓球的YoYo,現實生活中並不擅長乒乓球,故對同劇小演員欣禧既能應付演戲、又能打出好球大表佩服:「佢雖然第一次做戲,但出奇地做得好好,記對白好快好醒目。」

陳自瑤淡妝上陣

YoYo表示為演好貼心母親,不但多個場口淡妝上陣,她透露團隊在造型及人設上亦花了不少心思:「造型係想做到好普通,似番一個住屋邨嘅單親媽媽,角色情緒亦冇乜大起伏,純粹係想溫情啲,希望可以畀到多啲真實感觀眾。」

她笑指是次是與展鵬相隔多年後再合作,可惜對方已冇印象:「佢竟然忘記我哋第一次合作,今次相隔咁多年再合作番,都幾有新鮮感。」

至於監製Andy亦對欣禧讚不絕口,指她是劇中靈魂人物:「呢個角色我哋創作時做咗好多Research,一早鎖定要搵識打乒乓球嘅女仔。欣禧5歲開始打乒乓,我同佢都好有緣份,第一次同佢試戲時佢已經好多自己諗法,好有potential,所以我都幾快就決定用佢。」

童星演出有驚喜

Andy透露欣禧有場喊戲甚至一take過完成:「有場佢同YoYo嘅鬧交戲,佢掟爛嘢再走上床喊,我只係拍咗一take,佢已經做到我要求嘅嘢。」

監製透露,欣禧是透過內地專才計劃來港的張抗抗教練的學生,並感激張教練為劇組提供了不少重要資訊及創作靈感。

Andy最後大讚「雙陳配」有驚喜:「兩位演員都有突破,因為佢哋本身都有小朋友,所以佢哋演時會代入到啲自己嘅嘢入去,演出嚟會多啲層次。」

撰文 : TOPick柴犬出動