【過度溺愛】兒子突發脾氣摑家中客人一巴 高學歷爸媽一句說話令人驚訝

親子 09:00 2022/07/05

分享:

分享:

唔識做父母,起碼識做人。

網上瘋傳一個幾歲大的孩童,用腳踢一個未懂行的嬰兒,事後孩童的家長被指摘,竟霸氣回應了一句:「咁你咪打番佢囉!」「直情睇到我O晒嘴!」是損友甲睇過這段片後的即時反應:「好家教!呢個世界,無人識做父母,都係摸住石頭過河。但係唔識做父母啫,起碼識做人吖!『咁你咪打番佢囉』分明係歪理,但係為人父母仲可以理直氣壯,證明大人嘅問題緊要過細路仔嘅問題;點解一個成年人可以有咁樣嘅心態?我真係諗極都唔明。」

「打從呢個地球嘅人類由『我哋』變成『我』為中心後,一切前人諗極唔明嘅事,都會豁然開朗,前人留低俾我哋嘅價值觀,如今變得一文不值,所有人不屑一顧。」好事之徒說。雖然說得有點誇張,但又必須承認有他真實的一面。

最新影片推介:

我就見過一對有良好教育的年輕夫婦,生了一個寶貝孩子後,萬千寵愛,孩子有少少不如意,就大吵大鬧,夫婦二人盡力安撫他,滿足孩子的要求。某一次,他們家中請客,小孩子扭計,哭鬧不許夫婦請來的客人入門口,夫婦二人竟對客人說:「咁你哋就落街行一陣先至再上嚟啦!」終於擺平事件,大家吃得開開心心的時候,孩子又因為其中一位客人擋住他看電視,大力摑了對方一巴!你猜孩子的父母如何反應?「下次唔好咁大力打人,知道嗎?」

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

撰文 : 鄭丹瑞