【自由身】簡淑兒自揭與男友私人生活點滴 Jessica離開大台哽咽:真係好鍾意呢行

娛樂 13:07 2022/07/08

分享:

分享:

快將踏入33歲的簡淑兒(Jessica)參加《2012年度香港小姐競選》而入行,終於落敗三甲,但獲TVB賞識簽約於旗下。

上月,簡淑兒在社交平台突然宣布約滿離巢,帖文中強調不想活在框框之中,有感而發寫道:「曾經有一份執着,好想喺到做到啲成績出嚟。去到有一刻,發覺自己唔想再活喺一個框框入邊,慢慢咁失去自己嘅價值......」

最新影片推介:Sica專訪

【離開大台】簡淑兒與TVB結束賓主關係 Jessica:唔想再活喺一個框框入邊

跳出Comfort Zone

相隔2個星期,Jessica現身為林柏希主持的網上訪談節目《月傾會》擔任嘉賓。

訪問中她表示已加入TVB 10年,故決心要跳出舒適圈:「10年前嘅我,都係因為跳出咗自己嘅comfort zone,先會入到呢一行。10年之後,不如再試下跳出comfort zone,睇下會唔會有更多進步。嚟到呢個位,自己好似stuck住咗,所以想跳出去囉!」

她憶起初入行時,有同事曾跟她說:「呢行靚嘅女仔大把,你又冇名銜、又唔係讀藝訓、又冇讀過演藝,你又冇後台,你覺得自己憑咩呢?」她藉此希望跟對方說:「憑我真係好鍾意,同埋我真係唔肯放棄。」

Jessica邊說邊含淚哽咽,指自己非常感恩得到這些年的演出機會:「真係好想話畀大家聽,其實唔需要㗎,如果你真係好鍾意嘅話,你就去做。」

2015年,Jessica與許雅婷(Kabby)、袁紫僑(CoCo)及溫心(Swan)組成女子組台「少女標本」,可惜歌唱事業發展平平,2017年後組合已不再合體活動,與解散無異。

其後專心在演員方面發展,2016年憑着處境劇《愛·回家之八時入席》裏飾演「袁冰冰(Elsa)」一角,因笑容甜美而引起網民關注。今時今日的Jessica,坦言最喜愛當演員。

    點擊圖片放大
    +5
    +4

與麥大力甜蜜史

去年認愛參加《衝上雲霄大賽》勝出而加入娛樂圈的靚仔機師麥大力,Jessica笑言不是被斷正拍拖,也不想公開戀情。

林柏希問到麥大力待她如何、是否很錫她,她不禁甜蜜冧笑,更笑到招牌腰果眼出晒來:「都OK嘅,哈哈!」她指男友仍在幕前工作,未有回復機師一職。

二人拍拖逾一年,Jessica透露男友當初展開追求時,上天下海乜都做齊:「問佢有冇興趣去行山,因為我係夜晚黑去行,跟住之後就去潛水。行山嗰次,佢本身諗住女仔行山都係行吓啫,但係嗰次我哋攞埋繩去爬,跟住就刮損咗佢!上山下海,佢就話,如果我都追唔到呢個女仔,我都唔知仲有啲咩可以做喇,佢講完俾我聽,我都覺得有少少感動!」

同時,Jessica亦分享一次鬧交經歷,對方因太緊張她而大發雷霆:「有一次電話冇signal收唔到,之後佢搵唔到我,因為佢擔心。但係我嘅性格就覺得,我都唔知你打畀我,唔關我事㗎嘛!」她對麥大力百分之百信任,不會互相check手機。

Jessica分享與男友麥大力的甜蜜史。(Instagram圖片)

【明星扮靚】麥大力少年時原來是肥仔 分享成功減肥操肌關鍵

回復自由身

談及未來動向,回復自由身的Jessica希望作出更多嘗試,不會規限簽約經理人公司:「唔一定要有公司,先有你嘅價值。一個人嘅價值,應該去到邊度都有。我依家好努力去build up價值,睇吓嚟緊會唔會有唔同project,或者自己試吓拍片。」

對於入行多年被指有錢女靠家人,Jessica再次否認並指:「屋企人就算搵幾多都好,都同你冇乜關連,因為你自己都要有你自己生活,冇理由呢一世都係靠屋企。」

從小跟家人移居美國的她,透露讀書時期被霸凌,試過被人剪頭髮及推落樓梯,讓Jessica性格變得更內向:「父母覺得我出嚟做嘢會好蝕底,所以想我去見識吓,去參加港姐識多啲嘢,但就冇諗過我會留喺呢行。」

(Instagram圖片)

整容疑雲

去到重頭環節《大膽答 冇膽食》,林柏希預備了Jessica最怕的芫荽食物,芫荽燒賣及鮮榨苦瓜汁。

問到在TVB的10年間,最開心和最不開心的事,她表示最開心認識同屆選港姐的閨蜜陳婉衡(Alycia):「呢10年裏面,如果冇佢喺身邊,日子未必會咁開心。」

至於最不開心的事,她直言因為一張選美舊相:「依家每一次睇報道,關於我嘅報道,都會有一張好核突嘅相喺隔離,哈哈哈!我媽咪話有一次睇報紙,見到我張相隔離有個女人,佢唔認得嗰個係我囉!」

Jessica一直被網民質疑整容,對此她已沒好氣地說:「由我一入行到依家,選完(港姐)出嚟就已經咁講,其實我已經答過無數咁多次,我已經唔想再答。如果要繼續講,呢個當然我控制唔到,但係我就選擇咗唔會再答呢個問題。」

    點擊圖片放大
    +5
    +4

撰文 : TOPick柴犬出動