【Disney+電影】王丹妮廖子妤開直播盡展默契 為《梅艷芳》闖金像獎打氣

娛樂 19:58 2022/07/08

分享:

分享:

香港電影金像獎頒獎典禮即將於7月17日舉行,憑電影《梅艷芳》獲得最佳女主角及最佳新演員提名的王丹妮(Louise),以及最佳女配角提名的廖子妤(Fish),昨晚出席由Disney+舉辦的IG直播,與線上粉絲見面。

Louise與Fish在直播時,吸引自各地的影迷支持,粉絲大讚Louise和Fish的演技。此外,《逆流大叔》導演陳詠燊亦有觀看直播,並預祝兩位在金像獎收穫豐富。一眾觀眾更為日前生日的Louise送上祝福,令她非常開心,不停對鏡頭向一眾觀眾派心心。

王丹妮和廖子妤齊IG直播與粉絲交流。

挑戰默契比賽

作為香港年度盛事的香港電影金像獎,一眾演員於紅地氈的爭妍鬥麗絕對是大家必定留意的焦點之一。

兩位演員被問及有關紅地氈的衣着準備及配襯共識,二人同樣表示仍在考慮中,Fish更坦言︰「其實我係一個怯場鬼!對於要行紅地氈都非常緊張,係你哋以為我好淡定!所以仲諗緊到時要點打扮。」

於《梅艷芳》飾演梅艷芳、梅愛芳兩姐妹而成好友的二人,在直播中齊齊用80年代的「講嘢Tone」與大家玩小遊戲,更即席挑戰默契比賽,笑料百出,更一度變成爆料時間,盡顯二人的親密關係。

王丹妮最鍾意自己「為食墨」

當中最爆笑的,莫過於二人指出對方最喜歡自己身體哪個部位,Louise成功估中Fish最欣賞自己的鎖骨和手指,更自爆︰「最鍾意自己嘴唇旁嘅『為食墨』,因為我真係好鍾意食嘢,哈哈!」

當談到對金像獎的期待,王丹妮表示:「由籌備、拍攝,到宣傳,再到今次兩大版本都可以喺Disney+ 上線,對我嚟講係個好深刻嘅旅程,畢竟我係一個新演員,要做女主角,仲要係演梅姐,真係好大使命感。好開心一直都收到各位觀眾嘅支持。」

Louise不忘團隊及好拍檔廖子妤:「希望《梅艷芳》喺金像獎可以得到好成績,亦都希望廖子妤可以拎到女配角獎,因為佢真係演技好好。」

最新影片:Sica訪問

廖子妤大讚台前幕後

至於廖子妤亦稱:「個人獎當然想攞,但更加想Louise同埋套戲都可以得到獎項,因為我哋一眾台前幕後都好畀心機去做。」

她更表示:「如果得到好成績,我哋不如同大家分享吓我哋關於梅姐同埋家姐Ann姐嘅收藏,同大家一齊再次感謝佢哋帶畀我哋嘅一切回憶!仲未睇嘅觀眾快啲去Disney+ 睇,兩大版本都上咗架喇。睇過嘅觀眾可以一睇再睇,欣賞吓我哋一齊努力嘅成果。」

撰文 : TOPick柴犬出動