【不正常愛情研究所】黃紫恩寧做花瓶不要內涵 爆好友不願與渣男分手只因對方「有長處」

娛樂 12:26 2022/07/09

分享:

分享:

《不正常愛情研究所》

J2節目在昨晚(7月8日)播出由3位J2ers 黃紫恩(Jojo)、胡敏芝(Karen)、吳兆麟(Alan)同兩位客席主持麥惠琪(Susuca)、文頌男(Koba)主持的《J2ers︰不正常愛情研究所》。

今集一開始,兩位男主持就面對人生難題,要在三位女主持中,選一位「最冇吸引力」。

(左起)三位J2ers:Alan、Karen及Jojo之前在《無人性教育》已曾合作。

Jojo:想做花瓶

Alan選了Jojo,不過戴定頭盔話︰「Jojo其實你非常有吸引力,係識咗你耐。不過佢係非常好嘅朋友。」Koba揀了Karen原因是太純情「變咗冇乜樂趣」

但Koba同Alan打對台,認為Jojo好有吸引力,他說︰「外貌末必係最吸引,但係講嘢好charm(有魅力) 。」不過Jojo即場回應是話︰「我唔想要內涵,想做花瓶。」

今集《不正常愛情研究所》主題是「坦白」,Jojo講了一個自己的故事︰「呢個人追緊我,對佢我都幾有興趣。佢點坦白法呢?我知佢好玩得,好奇問佢會唔會有個追女仔list?佢話你點知呀。」

Jojo話對方居然用電腦軟件,將準備追的女仔有關美貌、身材作評分,又會計算投入了多少成本及時間,最後一項總評計算出每一位女仔的總價值,是否值得去追,坦白得過份。 

Jojo(左)最初不明白Katrina為何仍原諒前度。

男友有「過人之長」

節目下半段嘉賓分享「不正常愛情」環節,Jojo「出賣」朋友Katrina,指對方有位被形容為「好好好好誠實的男朋友」。

Katrina表示,前度是時間管理大師,出軌sex chat會同時傳相給二位女孩子,她說︰「有次男朋友傳咗張沖涼著孖煙囪相畀我,我唔知點解無端端問佢『你仲send咗畀邊個』,佢又好老實答我send咗畀ex同一位女仔朋友嘅女仔朋友。嗰位friend上friend嘅相,仲係close up裸照。都唔知佢乜嘢心態,咁誠實。可能講完當交代咗,食生菜咁。」

第二次又被Katrina發現前度跟女仔食糖水,更自爆跟該名女孩子去過飲酒,還上對方屋企過夜。Jojo好好奇為何還會原諒對方,Katrina語重心長稱︰「咁每個人都有自己『長處』。」在場眾人即時恍然大悟。

Koba很細心將Katrina的經歷,以圖解說明。

被動攻擊型人格障礙

最後導致分手原因,是在男友手機發現一些女仔「流出片」,老羞成怒的男友,反在港鐵用粗口鬧Katrina,又摑了她一巴,兩人關係才告終。

Jojo繼續發揮「本地愛情研究員」的專長,分析說︰「呢啲人有人格障礙,我會稱之為被動攻擊型人格障礙,永遠做任何嘢都唔係自己責任,永遠覺得係你問題。佢唔會直接同你講自己感覺,會暗示你囉,好似話畀你聽同其他女仔出去、去飲酒,但唔會直接同你講唔鍾意你,好自私呀。」

最新影片推介:戴耀明專訪

撰文 : TOPick柴犬出動