【自毀的程序】MIRROR開騷前柳應廷再出歌　Jer首遇藝伎感興奮

繼《離別的規矩》後，柳應廷@MIRROR（Jer）今年第二部曲《自毁的程序》於《MIRROR.WE.ARE LIVE CONCERT 2022》 舉行前夕推出，MV遊走現實與虛幻之間，更帶樂迷遊走一轉關西，不過Jer今次做配角，不想做男主角！
 
《自毁的程序》是《離別的規矩》的延續，時間線卻並非順序發展，Jer介紹歌曲道：「《自毁的程序》可能係好多年後發生喺男主角身上事情，但記憶深藏佢身體裡面。」

這些埋藏在男主角內心深處的記憶，在MV中就以《離別的規矩》出現過的人、物，包括龍蝦、滅火筒、錄音帶，以及女主角的再度登場展現出來。

最新影片推介：戴耀明專訪

遊走現實與虛幻

建基於這個設定，《自毁的程序》MV男主角遊走於現實與虛幻之間，但Jer這趟卻恨做百厭配角：「今次MV幾好玩，因為好多得意元素，好似跳咗入仙境，遇見3個精靈，然後又會有藝伎出現，穿梭於京都與奈良之間。」

Jer稱，自己頗喜歡古靈精怪得意故事：「所以好Enjoy拍MV，好可惜做唔到佢哋，好恨可以做啲精靈跳嚟跳去，咁就可以超級多人注意，但而家成日都keep住唔開心情緒，以及發現奇怪事情時嘅好奇心。」

近期Jer多了演戲的經驗，這次演出MV時只要保持同一個狀況就可以過關，所以坦言角色演繹上沒有特別感到困難。

▲ MV男主角遊走於現實與虛幻之間。

細數拍攝場地

其實拍攝MV當日，正值颱風襲港前夕，偏偏主要在戶外拍攝，製作組只好即時作出調動，在清晨拍攝訪問片段的Jer說：「打風落雨一定有影響，Schedule要前後調動，如果按計劃應該而家呢一刻已經拍完，但而家仲有一個場口仲未拍，要到朝早8點先拍到。」
 
細數今次拍攝的場景，較為特別是在行人隧道內拍攝雪景，Jer自言十分喜愛，他說：「之前MIRROR《12》MV已經玩過，所以一講話拍雪景，就算明天會整污糟個頭我都Keep噴雪效果，因為畫面上一定呈現到靚，背後我要閉氣，同埋啲雪會吹入眼球、鼻孔，大家睇到會發現『啊！乜原來係咁㗎？！』，但出到嚟畫面靚就OK啦！」

▼點擊圖片放大

+5

+4

遇藝伎感驚喜

另一個讓Jer十分難忘的場景，就是3個小精靈的出現，Jer說：「我係喺現場第一次見到3個小精靈，導演拍攝前冇講呢個MV有乜特別角色，造型係點，喺到現場見到會：『Wow！』幾得意喎，帶住鹿角，真係好似跳咗入去Alice in the Wonderland（愛麗斯夢遊仙境），幾surprise。」

此外，製作組還找來真正的藝伎參與演出，Jer過去從未見過藝伎，所以十分驚喜，更覺這些有趣的角色，令MV更加有型又有趣！

▲ 《離別的規矩》的延續，

繼《離別的規矩》出現洞蕭、笛等亞洲樂器後，今次也出現了另一種亞洲樂器，但Jer希望大家細心聆聽歌曲，更說：「一彈個樂器，就會Feel到首歌嘅vibe（氛圍 ）。」

此外，Jer也請大家留意第三段副歌，因為當中有鮮為人知的細節，但他透露道：「Chrous 3蘊含好多圖片，同時亦有嚟緊第3首歌嘅線索喺入面，如果想估下第3首歌係咩畫面，就可以留意Chorus 3。」