【粉身碎骨】趙祥誠忘記畏高初嘗吊威也 Ben與女飛賊爭寶物大打出手

娛樂 11:28 2022/07/12

分享:

分享:

以「折骨舞」稱冠的趙祥誠(Ben)推出首支單曲《粉身碎骨》,MV同步上架。由於場景布局多變,而且除跳舞還加入武術,MV拍了足足24小時,消耗大量體力,言而終於嘗試期待已久吊威也,Ben揚言成就解鎖,甚至忘記對畏高的恐懼。

最新影片推介:戴耀明專訪

首次擁有自己歌曲

Ben說:「《粉身碎骨》呢首歌係講一個人,為咗鍾意嘅人或事去到好盡,甚至粉身碎骨,好壯烈和淒美嘅感覺。第一次聽到首歌嘅Demo時,感覺好舒服,尤其是副歌部份,而且Rap嘅詞同我嘅意念和跳舞好有關聯。」

第一次擁有真正屬於自己的歌曲和MV,Ben表示好興奮,他說:「以前參加比賽時都係團體合作,而今次MV由歌曲到所有場景、服裝,台前幕後都係為我而做,感覺好『正』!我要非常多謝所有工作員和設計今次MV故事嘅團隊,辛苦晒大家!」

    點擊圖片放大
    +6
    +5

初嘗吊威也

在MV中,Ben與女飛賊爭奪寶物,在布置成鳥居的場景大打出手,初嘗吊威也滋味的他說:「下半身被威也戚住,大髀位有啲痛,加上我本身有畏高,心情好緊張。有啲動作以為自己OK,但其實係NG,吊住嘅時候因為手腳都離地,頸和腰都要更加出力,為咗做啱表情,我忘記咗畏高嘅恐懼。」

他續說:「雖然吊威也超級難,但自小睇古裝劇、電影、科幻戲,見到演員吊威也,我一直都好想嘗試,今日終於成就解鎖!」

    點擊圖片放大
    +9
    +8

撰文 : TOPick柴犬出動