【衛蘭演唱會】張天賦任尾場嘉賓 MC被師姐追問:成日超市被影到

娛樂 13:26 2022/07/12

分享:

分享:

衛蘭紅館一連三場《BE STILL LIVE 2022演唱會》昨晚完滿結束。來到尾場,觀眾超級熱情,整晚歡呼不斷,全場大合唱、安歌再安,最後完場紅館已經播出近十次請各位觀眾離開的廣播,但仍有大半場觀眾不肯離開,一直狂叫安歌,終於Janice被熱情打動,單獨跑回台上,清唱多一首歌,歌迷才依依不捨散去。

昨晚Janice請來MC做嘉賓,兩人合唱《心亂如麻》後, MC坦言自己好緊張,又話在綵排時高層跟他說Janice預備咗一啲好特別問題問你,令他非常擔心。

Janice開心笑道:「你想知呀?哈哈…我發現咗一樣嘢呀,我同你有一個共通點,就係成日都比人喺超市影到呀,哈哈….真係喎,點解嘅?」MC尷尬說:「我都唔知喎... 喂呀,唔識答呀,我點答呀!哈哈哈….」

昨晚 mc揀了勁難唱的《小心地滑》作為獨唱部份的歌,一向演出百份百穩陣的他,唔知係咪觀眾歡呼聲太熱情,定係Janice帶俾佢太多回憶,竟然緊張到忘了兩句歌詞,觀眾即拍掌大叫他加油,但見他低頭冷靜後馬上繼續唱,最後回復狀態大曬唱功,最終贏回全場觀眾掌聲支持,歌唱畢後MC隨升降台離開,不過他仍是為自己失準有點不開心,聽到他為自己失準而「唉」了一聲。

完場大合唱。

Janice騷後接受訪問表示演唱會很開心,因為每場歌迷都很熱情,「以為星期一晚大家會趕着回家,第日要返工,冇諗過佢地唔肯走。」今次演唱會她最開心係Round down,都是自己想同大家分享嘅歌。「我唔想做返以前做過嘅嘢,想搵個平衡,有啲新嘅突破,身為歌手都要有自己諗法同訊息分享,感恩公司畀好多自由我去做。」

講到Sherman因台上分享時間過長被網民指騎劫她的演唱會,Janice即護友說:「係我叫佢分享….可能佢分享時候太激動,同好多情緒,冇顧到時間,但真係唔關佢事,我都叫佢唔好介意,I feel bad,而Sherman都明白嘅。」而她亦坦言事後有安慰Sherman唔好介意。

最新影片:

撰文 : TOPick柴犬出動