【回歸】汪明荃客串演出訓斥周嘉洛遲到 阿姐:時間觀念係人嘅責任感

娛樂 13:46 2022/07/13

分享:

分享:

TVB劇《回歸》在前晚(7月11日)首播,由郭晉安、陳煒、周嘉洛、吳偉豪、戴祖儀、陳嘉慧、游嘉欣、徐榮、白彪及馬貫東等演出,汪明荃及石修則獲邀特別演出。

最新影片推介:戴耀明專訪

汪明荃客串

昨晚(12日),《回歸》劇情講汪明荃飾演的「大灣區青年創業比賽」永遠榮譽會長鍾慧芬,逮到區家健(周嘉洛飾)、凌巧瑤(陳嘉慧飾)、陳智斌(林正峰飾)及關東海(林智樂飾)遲到。

當家健要求網開一面時,阿姐即義正詞嚴訓斥4人:「規矩定咗出嚟就要遵守,如果對你哋破例,對其他守時嘅參賽者咪好唔公平?守時係做人處世最基本禮貌,一個冇時間觀念嘅人亦好難創業成功吖!時間觀念係人嘅責任感、個人信用同自律能力。」

現實中,由於阿姐出名守時,由她說出相關台詞自然更具說服力,網民留言:「汪阿姐講守時重要性,夠晒份量」、「阿姐真人出晒名準時,好憎人遲到」,又笑指阿姐角色口硬心軟:「阿姐單一單眼,就放咗佢哋入去」。

汪阿姐出名守時,訓斥四人零舍有說服力。

對此監製阿Lam透露當初構思角色時也是第一時間想到阿姐,並笑言自己提出請求時戰戰兢兢:「嗰時疫情嚴峻,阿姐盡量減少工作量,我亦冇辦法親身邀請佢,只能透過電話聯絡佢經理人。佢哋問咗我一啲關於角色嘅嘢同工作時間,冇幾耐就打番電話畀我話應承幫我做。」

阿Lam又指阿姐認真做足所有事前功夫:「佢戲份唔多,但佢每一套衫、每個造型都會特別安排時間返嚟試清楚。有阿姐喺度嘅場口,所有嘢都會加倍順利,一來佢冇NG咁滯,二來阿姐喺度,大家好自然更加集中精神,雖然平時都已經好集中。」

戴祖儀+周家洛自度對白

另昨晚家健與張萊(戴祖儀飾)爭的士場口亦相當有趣,二人在的士上各執一詞兼互不相讓,令無辜被捲入風波的瑤瑤不知如何是好;戴祖儀的囂張樣不但氣勢十足,更獲網民大讚更有女人味。

阿Lam亦大讚祖儀與嘉洛很用心:「嘉洛真係好勤力,覺都冇得瞓咁滯,但佢完全冇降低對自己嘅要求,佢同戴祖儀都係年青人,好熟悉年青人嘅世界,佢哋會喺現場度啲潮啲嘅對白加落劇本,令件事更有時代感同趣味。佢哋私下又成日排練,令到鬥嘴嘅節奏出到嚟好有趣。佢哋各自有自己嗰團火,撞埋之後好有火花。」

阿Lam又大讚新生代演員團結:「有段時間所有出現過喺主景嘅後生演員都中咗招,但佢哋冇互相埋怨,反而互相鼓勵,大家都只係希望盡快好番再一齊開工。我見佢哋再開番工更加融洽同投入,大家每日都帶住好多正能量返工,拍到好戲就會好開心。」

    點擊圖片放大
    +5
    +4

撰文 : TOPick柴犬出動