【女團Strayz】自資出道包辦歌曲與MV製作 處女作《Stray》借黑白造型道出心聲

娛樂 16:19 2022/07/13

分享:

分享:

由參加《全民造星IV》而認識的VAL(趙展彤)、CK(黃斯琪)、暐翹(林暐翹)、榛綦(何榛綦)及Ariel(曾家瑩),自資組成女團Strayz正式出道,出道歌《Stray》亦於今日正式推出。MV中眾人以黑白兩個截然不同的造型登場,以突出她們勇闖樂壇的決心。
 
Strayz隊名源自「Stray(流浪)」一字,隊長VAL、副隊長CK、暐翹、榛綦及Ariel五人自喻是一班流浪的小朋友,而出道作《Stray》由VAL及CK作曲,方浩權、VAL及PetPetShawn填詞。

當中的創作概念與隊名亦如出一轍,VAL解釋道:「《Stray》講緊追夢路途可能會遇到困難,但只要努力,堅持我哋想走嘅路,就可以搵到一條出路。」

最新影片推介:戴耀明專訪

為了突出她們的想法與加入樂壇的決心,歌曲的MV也特別花心思,以黑白兩個搶眼造型示人。

CK介紹兩個造型稱:「第一個係喊妝,配以全白歌德風格服裝,象徵住對於流浪呢件事情嘅傷心、不憤、不甘,但係我哋其實係好純潔嘅動物,都有一顆赤子之心。」

至於第二個造型有臉部動物彩繪,身上穿較正統黑色服裝,CK進一步解說:「象徵住我哋反璞歸真,我哋就係流浪嘅動物,我哋就係咁嘅樣,我哋係高貴嘅存在,唔輸比其他人嘅存在。」

【全民造星IV】Strayz成軍後首個公開演出 懷感恩心情踏上舞台

CK執導MV

由於自資出道,暐翹坦言5個人用了很長的時間構思MV怎樣去拍,眾人都積極參與發表意見,而CK則幫了個大忙,充當導演執導MV。

這次是CK首次執導,她十分緊張:「因為想務求貼近我哋嘅故事,所以就踏咗隻腳落去,做埋導演,但原來執導上係會遇上好多困難,做過先知不論係導演、幕後,甚至任何一位參與拍攝MV嘅都好偉大,要向佢哋致敬。」

她直言今次體驗後,才知這是很辛苦的工作:「無論由計劃,到同團隊不同單位,例如攝影組、服裝組等溝通嘅過程都艱難,我唔係好識點樣表達自己想要乜嘢,結果導致拍攝有延誤,但係我從中學習到好多嘢,希望今次成品大家會鍾意。」

    點擊圖片放大
    +5
    +4

【女團STRAYZ】《造星IV》第3隊女團首發布造型照 宣布暐翹入隊成第5位成員

細說拍攝MV難忘事

暐翹也感激不同單位的幫忙,更慶幸這個自資出道的旅程並不孤單。她說:「組團後大家成長咗好多,以往參與《造星》,大家會focus表演上,但成為Strayz成員後,就發現其實表演或拍攝唔係得自己一個,仲要兼顧好多嘢,所以除咗工作人員,更要多謝我隊中另外4位隊友。」

談到首次拍攝《Stray》MV的難忘事,Ariel笑言:「我哋5點鐘開始化妝,完成係第二朝11點,完成嗰一下係開心但好攰,出到嚟見到天光,大家都唔識反應,好似就嚟死咁,但係嗰日真係好開心同好好玩。」

VAL則對彩繪造型印象深刻,她說:「細細個化過好多次貓嘅妝,但第一次試狗,對我嚟講化一個狗仔嘅妝係一個好特別嘅嘗試,睇住逐一變咗不同動物:兔仔、貓仔,件事好正,對MV好有期待感。」

    點擊圖片放大
    +7
    +6

榛綦亦大讚化妝師的鬼斧神工,道「我哋都想俾到驚喜大家,所以妝容上面都落咗好多功夫,變嘅過程好神奇,由喊妝變動物妝,令我好難忘,亦好佩服各位化妝姐姐。」

至於暐翹,則難忘在歌曲的演繹上,她說:「因為《Stray》係講緊我哋嘅故事,有好多內心嘢或者拍MV時動作上嘅細節,令我哋諗返由《造星》開始所有嘅感覺、感受同感觸位。」

撰文 : TOPick柴犬出動