【夫妻相處】與太太相愛55年「零緋聞」 石修拍感情戲思想會踩界:我會抽離

育兒經 11:56 2022/07/14

分享:

分享:

恭喜!

資深演員石修的兒子陳宇琛(Sam)與前有線電視主播新抱林佑蔚(Camille)早前宣布造人成功,全家上下都非常開心,而日前石修太太兼準嫲嫲70歲生日,陳宇琛順道宣佈太太佗女,更有一個別出心裁的方法去,將紙碎放在大氣球中,由石修和太太刺破氣球,飄出紅色紙碎,揭曉Camille陀女,準嫲嫲開心得跳起舞來!

最新影片推介:

原來石修太太一直恨孫女,片段中Sam讀出在場親友大多估計是男孩表現失落,堅持自己想要孫女,今次如願以償,可喜可賀。

Sam與太太留言:「今年慶祝媽咪70大壽,我哋準備咗一個哈利波特主題嘅”Witch or Wizard”性別揭曉驚喜。多謝所有家人參與呢個我哋永遠都會好珍惜嘅回憶。我哋準備迎接小公主啦,嫲嫲話恨女恨到傻!亮點:嫲嫲勝利之舞。」

知道佗女後,一家人非常開心。

圈中出名是愛妻號的石修,早前接受電台訪問時大談夫妻相處之道,入行66年的石修就算與眾多女星合作,都沒有傳出過緋聞,因而赢得「零緋聞」美譽,他自言全因懂得抽離。

如果拍戲唔投入,尤其係感情戲會格格不入,有陣時我都會踩界,係思想上踩界。

與太太相愛55年

石修與太太拍拖8年結婚47年,長達55年的感情,修哥自問現在依然關心及尊重太太。石修太太是新界校長個女,他比太太年長5年,

有次我同森森拍《 聰明太太笨丈夫》講我走私俾老婆追到去彌敦道,著住條底褲喺的士落車。嗰度人來人往撞啱女朋友放學,佢見到我著住底褲跑來跑去,先至知我拍戲,佢冇嬲,只係笑我著底褲通街走。

財政大權交老婆

石修不至對太太好,對新抱一樣好:「所有屋企人都係我嘅情人,新抱都係我情人。」他自爆太太是家中的財政大臣:「太太應該都幾滿意我,因為佢係屋企的財政管理員。太太全權負責財政係我對佢嘅信任。」

不懂製造浪漫驚喜

不過修哥自認並非一個很浪漫的丈夫:「我不足嘅地方就係,唔識送花同小禮物。我話:『你嫁畀我,唔喺為咗嗰朵玫瑰花,我成個人都畀咗你,如果你需要,我可以將自己包起,紮隻絲帶蝴蝶行過嚟,哈哈哈』。」

    點擊圖片放大
    +11
    +10

 

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳