【皇上發功】李司棋親煮茶燻雞贈軒仔 張敬軒欲邀司棋姐拍MV  

娛樂 19:00 2022/07/14

分享:

分享:

張敬軒李司棋看似「大纜扯唔埋」,實情二人不時會在對方的社交帳號上留 言互動,二人近日拍攝代言人廣告,令兩位「網友」終於可以見面。

首次真人互動,兩人一見面便「雞啄唔斷」,埋位拍攝時更表現出默契,令拍攝進度相當順利,但司棋姐說自己只是扮鎮定:「我好緊張,前一晚瞓唔著,幾廿歲人都未試過,因為從來冇見過軒仔真人,我好鍾意佢對眼,一望到佢對眼就唔記得對白,鍾意咗佢好耐,佢好似我細個睇公仔書裡面嘅白馬王子。」

二人首次合作。

被司棋姐送上大高帽,軒公亦禮尚往來說:「我都好開心,終於網友見面,其實我哋喺網上識咗一段長時間,好鍾意睇佢啲帖文,睇佢食嘢特別好味,好欣賞佢著衫嘅穿搭,對生活嘅品味,今日司棋姐仲親手整茶燻雞請我食。」

問司棋姐是否見到軒公早餐「無啖好食」,所以親自下煮,她解說:「我見到軒仔朝早要食嗰種早餐,我都試過,有衝動想過去佢度幫手煮幾日早餐,尤其見到軒仔父母唔喺身邊,冇人照顧,加上工作又忙,睇到我好心赤。」

得到司棋姐愛錫,過往經常會同圈中前輩合作的軒公,坦言想邀請司棋姐做 MV女主角:「好想有個MV可以搵司棋姐演女主角,安排一個劇力萬 鈞嘅角色俾佢,但今日見到真人,發覺佢生活同銀幕上係兩個人,反而應該要搵佢做一啲 好瘋狂、好多面嘅角色。」

司棋姐受寵若驚說:「你叫到我一定幫手,其實今日真係有種好不可思議嘅 感覺,因為我應該係同劉丹一齊拍戲,但我居然可以同軒仔拍廣告,難怪我會失眠,所以 真係要多謝廣告客戶呢個安排。」

撰文 : TOPick柴犬出動