【MIRROR成員】Jeremy推第二首單曲爭新人獎 《九》MV黑白妖艷形象帶出人間善惡

娛樂 09:54 2022/07/19

分享:

分享:

樂壇新人Jeremy推第二首單曲,MV擺脫乖仔型像妖艷升級。

MIRROR成員李駿傑(Jeremy)今年首推單飛歌曲出道,昨日(18日)再推最新派台歌《九》,延續《半》的概念,再度以歌曲跟樂迷「講道理」。而新歌MV中Jeremy陷入亦正亦邪的深層演繹,放低乖乖仔個性的他將妖艷升級,更勝過去的演出。

最新影片推介:曾業喬專訪

誠邀張繼聰作曲

《九》由王雙駿監製、張繼聰作曲、周耀輝填詞,歌詞內容道出每個人需要作出選擇的時候,都會出現很多不同的誘惑,但大家選擇的結果,其實都取決於自己善或惡的個性,但歌曲最終想告訴大家,不論任何選擇,都要自己承受後果。

【MIRROR成員】Ian「破冰」推新歌包辦曲詞監製 隊友Jeremy緊接推第二首單曲

今次《九》得到張繼聰助陣,Jeremy也始料不及:「請到張繼聰前輩作曲係因為Carl叔叔,可能Carl叔叔覺得Louis作嘅歌比較適合我,所以收到Demo時都好驚喜,因為冇諗過會有佢寫歌俾我,有啲Surprise。」

【MIRROR成員】「團媽」Jeremy暖男特質俘虜粉絲 Unicorn集氣開新一輯《GO!執!事務所》

    點擊圖片放大
    +7
    +6

演繹難度倍增

比起上次《半》,Jeremy坦言這次演繹更見難度:「起初以為Verse(主歌)難,因為歌詞好密,咬字要好實淨先知講乜,所以錄音時比較擔心呢部份,點知最難係Chrous(副歌),難在要唱出味道,Carl叔叔一路斟嚼用氣唔夠,跟住錄咗兩個半鐘後,把聲完全沙晒唱唔到,可能因為我捉唔到個力,搵唔到個Feel夾硬唱,結果搞成咁。」

【MIRROR成員】Jeremy首支個人單曲推出1個月 Unicorn以大型應援力撐《半》

Jeremy最終要第三次走入錄音室才能成功找到應有的感覺,順利完成錄音,不過Jeremy悄悄說:「歌詞中嘅一句『What Should I Do』,佢嘅低音位係用我本身沙咗把聲去錄,所以沙聲有沙聲嘅好,令到件事更加Creepy(怪異)。」

【MIRROR成員】Jeremy成功入圍角逐全球百大俊男 7名MIRROR成員一同衝出國際

MV造型妖艷升級

除了歌曲外,MV也是圍繞善與惡的主題,Jeremy為樂迷解讀MV道:「MV裡面出現黑、白兩個造型,分別代表善與惡。一開始講緊我發夢,聽到好多人講嘢,有好多Message出現喺腦袋入面,令我自己好混亂好困擾,但夢醒後另一個我就出現了,而當中想表達,一個人無論幾善良都好,一定會有少少嘅陰暗面出現;幾壞嘅人都會有善良嘅一面,所以都係想話俾大家知,世間唔係淨係得黑、白,希望大家能坦承面對自己,去搵返自己真正嘅善同埋惡,面對返自己。」

    點擊圖片放大
    +5
    +4

不論是MIRROR的MV,還是上一回《半》的MV,Jeremy都鮮有拍外景,但今次製作團隊為他找來一個荒廢了的酒醋廠,猶如廢虛的場景,再加上Jeremy跳出乖仔框框,以帶點邪氣的面部表情表達惡的個性,令MV帶出不一樣的妖艷與頹廢交集的美態。

Jeremy分享:「第一次喺外景,好熱冇冷氣,另外好多塵,冇咁乾淨,喉嚨成日有啲唔舒服,但係因為外景原因,令到畫面更加加分,所以幾辛苦都係值得,因為可以拍到靚shot,配合成個環境,MV會更加吸引,所以不論幾熱幾辛苦都係值得嘅,不過都辛苦晒幕後嘅同事。」

撰文 : TOPick柴犬出動