【OMG】ANSONBEAN親寫Rap訴心聲 操肌拍MV盡騷身型

娛樂 16:00 2022/07/22

分享:

分享:

ANSONBEAN跟替身演員齊騷肌。

ANSONBEAN 在電視劇《I SWIM》飾演天才泳手,在新歌《OMG(on my grind)》MV亦與水有緣,其中一幕被「自己」硬推個頭落水,在水中對咀唱歌,更一take完成。

新歌《OMG(on my grind)》MV今日出爐,ANSONBEAN親自填rap詞訴心聲,他說:「就算平時幾外向嘅人,都會有疲倦或者唔想見人嘅時候,呢首歌就係講呢個心情。」

親唱Rap詞。

他表示今次參與度最多:「之前嘅歌同其他人一齊創作,今次《OMG》由零開始寫,大部份rap詞由我寫,好開心有新嘗試。」他表示這份詞在今年初寫,疫情嚴重,每天在家寫詞。「雖然有時只係寫到幾句,用唔到,但不停寫不停寫,會寫成一首作品。」

ANSONBEAN自小有寫日記的習慣,藉此與自己傾偈,抒發情緒。他說:「以前只會寫日記,去年開始多咗搵朋友傾偈, 最近學識將感覺寫成歌詞。呢個係好好發洩方法,以前唔開心會逃避,有時打機、狂食嘢,原來對事情好深感受時,可以寫落歌詞度,用文字抒發,寫詞成為我嘅新興趣。」

埋位前操肌。

這次MV有多個場景,ANSONBEAN特別喜歡洗手間場景。為配合歌詞面對內在的自己,導演團隊搭建一個洗手間和一面假鏡子,讓他與替身上演面對面照鏡的戲。

另一幕ANSONBEAN被替身飾演的「自己」,硬將頭推入洗手盆的水中,一邊掙扎一邊唱歌。雖然聽不到音樂聲,但他仍一字不漏地完成對唱,上水一刻全場掌聲讚揚他表現完美,ANSONBEAN看重播時亦表示非常滿意。

未埋位前,ANSONBEAN與替身都穿著白色背心,胸肌和手瓜脹卜卜,非常吸睛。

直至埋位拍攝前,仍在努力谷肌,一時掌上壓,一時引體上升。「今次飾演我替身嘅演員,好大隻,佢本身亦係一名兼職健身教練,所以即場指導我谷大啲肌肉。因為佢真係好大隻,我要谷大隻啲似返佢嘅身形。」

撰文 : TOPick柴犬出動