【不正常愛情研究所】黃紫恩查電話捉姦搞喊男友 Jojo:手機不離手最可疑

娛樂 11:52 2022/07/23

分享:

分享:

J2在昨晚(7月22日)播出的《不正常愛情研究所》,由J2ers 黃紫恩(Jojo)、吳兆麟(Alan)與嘉賓主持麥惠琪(Susuca)、文頌男(Koba)主持,昨晚主題《捉姦攻略》男女都要睇。

科技進步現今社會捉姦要從手機入手,所以節目一開始,在抽手機環節Susuca電話被抽中,她顯得非常緊張。

最新影片:曾業喬專訪

Jojo教捉姦技巧

Jojo從Susuca手機的定位,發現她從葵芳到過尖沙嘴,之後出現「missing visit」(消失的行程)紀錄,當事人解釋是手機應用程式出錯,但Jojo同Alan笑言不接受。

接着,去到主題「捉姦」,Jojo即刻以專家口吻發言:「冇女友可以笑住喺男友手機行出嚟。」

她更稱一些經常覆message、手機不離手的男女最可疑︰「仲有個動作,你一望佢手機就向上slide(拉)同埋放喺枱面電話係咁反轉(面向下)。」

Jojo發現Susuca有可疑,出現一段「missing visit」。

查男友手機出事

不過,Jojo亦試過因為檢查男友電話出事,她說︰「拎咗佢部電話,聽佢啲錄音,望返轉頭就大件事,男朋友兩行眼淚當街喊咗出嚟。」主持人都以為是心虛,Jojo卻話︰「乜嘢都搵唔到,佢喊係好委屈,以後都唔夠膽check。」

Jojo接受訪問時講回當日情況,她說︰「我以前個ex嘅公司,有位女同事成日send啲腳相畀佢。」

有日行街男朋友又同該位女同事互chat,Jojo終於忍不住搶了男友手機︰「我問佢『你夠唔夠膽畀我聽啲對話』,跟住就聽。啲錄音係唔理個女仔講乜都好,男朋友都係『哦』、『ok』hea答佢。再望返男朋友,已經見到佢兩行眼淚。嗰一刻我真係寧願check到有嘢。」

但Jojo話一直沒有check手機習慣,之後更加不敢。

    點擊圖片放大
    +6
    +5

造愛行次反映有否出軌?

Alan提供的貼士是假如雙方同居,可以從性行為次數,來判定出軌與否。更可以提出到醫院檢查,他說︰「如果肯同你去,你就可以放心。」由於太過無稽,被一致裁定最沒有誠意,大懲罰是交出手機任睇。在手機相簿發現不少Alan自拍及大隻相。

另外,今集「有故事」的嘉賓「哈比」,經歷過被男友背叛。但抵死的地方,是帶同男友妹妹到九龍塘時租酒店捉姦,完全斷正。

    點擊圖片放大
    +7
    +6

撰文 : TOPick柴犬出動